Xebatên ji bo hilbijartina şarederiyan ên li bakurê Kurdistanê û Tirkiyê ber bi dawî ve diçin.
DEM Partî îro jî li gelek navendan mîtîngên hilbijartinê li dar xist û bi hezaran di bin dara jiyanê de li hev kombûn.
Di mîtîngên Bedlîs, Colemêrg û navçeya Silopiya yê Şirnexê de banga xwederketiba li vîna xwe û sindoqan hate kirin
Xebatên ji bo hilbijartina şarederiyan ên li bakurê Kurdistanê û Tirkiyê ber bi dawî ve diçin.
Partiya Wekhevî û Demokrasiyê ya Gelan DEM Partî ku lez dane xebatên xwe îro jî li gelek navendan mitîngên hilbijartinê li dar xist.
Li Bedlîs, Colemêrg û navçeya Silopiya yê Şirnexê bi hezaran di bin dara jiyanê de li hev kombûn.
Leyla Zana li Betlîsê bang kir: Xwedî li xwe û sindoqan derkevin
Di mîtînga girseyî a Bedlîsê de siyasetmedar Leyla Zana û parlamenterên DEM Partiyê amade bûn.
Beriya mitînga ku welatiyan eleqeyeke zêde nîşan da, li ber dahol û zirneyan govend hate gerandin.
Bi destpêkirina mîtînê re ewilî parlementer û namzetên şarederiyê yen DEM Partiyê axivîn û peyamên serkeftinê dan.
Paşê Leyla Zana mafê axaftinê girt û banga xwedîderketina li vîn û sindoqan kir.
Siyasetmedar Leyla got:
“Eger hûn xwedî li hev dernekevin kes xwedî li we dernakeve..”
Mîtînga Colermêrgê: Wê gelê me dawî li vê pergalê bîne
Li Comergê jî mîtînga hilijartinê bi deqeyek rêzgirtinê dest pê kir û piştre jî namzetê hevşaredariyan xitabî gel kirin.
Paşê Serokwekîlê Koma DEM Partiyê Sezaî Temellî silav da gel û got, divê rewşa nebaş a welêt êdî biguhere
Sezaî Temellî anî ziman wê gelê me û DEM Partî dawî li vê pergalê bîne û ev peyam da:
Dixwazin bi şer û tecrîdê bêzar bikin. Em ê tu caran rê nedin vê.
Heta ku em mil bidin milên hev, tu îktîdarên faşîst nikarin xwe li ber me bigirin.
Mîtînga Silopiya: Ji bo aştiyê li deriyê Îmraliyê bixin
Mîtînga fînalê ya navçeya Slopiya yê Şirnexê jî bi beşdariya bi hezaran kesî pêk hat.
Polîsan hewl dan nehêlin welatî bi cil û bergên bi rengên kesk, sor û zer bikevin qadê.
Lê welatiyan bi dirûşma “Em ê bi berxwedanê bi ser kevin” bertek nîşan dan û astengiyên polîsan têk bir.
Hevseroka Giştî ya DEM Partiyê Tulay Hatîmogûllari û berdevka partiyê Ayşegul Doganê tev li mitîngê bû.
Tulay Hatîmogûllari li wir ji bal kişande li ser dîplomasiya dewleta tirk a ji bo amadekariyên şer û got:
“Li şûna hûn ji bo şer derî bi derî bigerin, ji bo aştiyê li deriyê Îmraliyê bixin.”