Şerê li Xezayê 180 roj li pey xwe hişt.
Di êrîşên dawî de artêşa Îsraîlê êrîşî Rêxistina alîkariyê ya navneteweyî kir ku ew ji hêla Amerîkayê ve rastî bertekek tund hat.
Serokê Amerîka Joe Biden bi tundî Îsraîl rexne kir ku ji bo alîkariyên mirovî hewldanek raber nekir.
Her wiha Erebistana Siudî 5 mîlyon dolar alîkariya Xurekê bo Xezayê, bi Bernameya Xwarinê ya Cîhanê re
peymanek hevkariyê îmze kir.
Serokê Amerîka Joe Biden bi tundî Îsraîl rexne kir ji ber êrîşa asmanî ya ku 7 xebatkarên alîkariyê li Şerîda Xezayê hat kuştin.
Biden diyar kir ku belavkirina alîkariyê li Şerîda Xezayê zehmet e û wiha got:
“Ji ber ku Îsraîl ji bo parastina xebatkarên alîkariyê yên ku hewl didin alîkariyên pêwîst ji sivîlan re peyda bikin, hewldanek raber nekir.”
Neteweyên Yekbûyî da zanîn ku şerê ku di navbera Îsraîl û Hemasê de heya niha nêzî 200 xebatkarên alîkariya mirovî mirine.
Amerîka: Êrîşa li ser rêxistina alîkariyê trajedî ye
Rêxistina alîkariyê ya navneteweyî World Central Kitchen ku navenda wê Amerîka ye, piştrast kir ku di encama êrîşa Îsraîlê ya li Xezayê de xebatkarên wê jiyana xwe ji dest dane, bûyer wekî “trajediyek” bi nav kir.
Di daxuyaniya li ser hesabê medyaya civakî ya saziya alîkariyê ya ku navenda wê li Washîngtona paytextê Amerîkayê ye da hat destnîşankirin ku di êrîşa Îsraîlê da xebatkarên wan ên ku li Xezeyê beşdarî xebatên alîkariyê yên xwarinê bûn hatin kuştin.
Li gorî nûçeya ajansa fermî ya Filistînê WAFA, hêzên Îsraîlî li ser rêya peravê ya rojavayê bajarê Dêr El-Belahê wesayîteke sivîlan û 4 xebatkarên biyanî yên saziya alîkariyên xwarinê ya navneteweyî ya bi navê World Central Kitchen hedef girtin.
Di daxuyaniya ku ji aliyê ofîsa çapemeniyê ya hikûmetê ya li Xezayê ve hat dayîn de hat diyarkirin ku jineke Awûstralyayî, 2 kesên Îngîlîz û Polonî, welatiyekî biyanî ku hê nasnameya wî nehate tespîtkirin û Filistînîyekî li Îsraîlê jiyana xwe ji dest dane.
Ji Erebistana Siûdî 5 mîlyon dolar alîkariya xurekê bo Xezayê
Qral Selman bi Bernameya Xwarinê ya Cîhanê re peymanek hevkariyê îmze kir da ku piştgiriyê bide kesên ku ji şerê li Şerîda Xezayê bandor bûne.
Peyman ji aliyê Sekreterê Giştî yê Navenda Lêkolînên Alîkarî û Mirovî ya Qral Selman û Şêwirmendê Giştî yê Dîwana Qraliyeta Erebîstana Siûdî Dr. Abdullah Rabîa û Rêveberê Bernameya Xwarinê ya Cîhanî ya Neteweyên Yekbûyî Cindy McCain ve hat îmzekirin.
Di çarçoveya projeyê de dê bi nirxê giştî 5 milyon dolar alîkarî bi rêya belavkirina madeyên xwarinê yên hazir ji bo dabînkirina hin hewcedariyên 377 hezar û 855 awareyên li Şerîda Xezayê were dayîn.
Li Xezayê di êrişa Îsraîlê de 7 xebatkarên alîkariyê hatin kuştin
