Duh bi şev çavê tevahî cîhanê li Îsraîlê bû.
Ji ber ku Îranê berê dehan balafirên bêmirov û mûşekan dabû Til Avîvê.
Ev êrişa Tehranê piştî êrişa Îsraîlê ya li dijî Balyozxaneya Îranê ya li Şamê pêk hat.
Di dema êrişê de sîstema parastina hewayî ya Îsraîlê karî êrişê bê bandor bike.
Îranê ragihand ku wan mafê xwe yê parastina rewa bikaraniye û got: “Eger Îsraîl şaşiyeke din bike wê bersiva wê girantir be.”
Gelê Îsaîlê duh bi şev ji ber dengê teqînan şiyar bûn.
Tel Avîv di alarimê de bû.
Alarma Tel Avîvê Amerîka û welatên Ewropayê jî xiste tevgerê.
Lê cîhan ji ber vê êrişa Tehranê zêde ecêbmayî nema.
Ji ber ku bêtirî hefteyekî bû çavê cîhanê li Îran û Îsraîlê bû.
Cîhan li bendê bû ku Tehran êrişa xwe ya ji bo tol girtinê ya li dijî Tel Avîvê bide destpêkirin
Ji ber rayedarên Tehranê her roj gefa êrişê li dijî Îsraîlê dixwarin.
Duh bi şev ew êrişa ku her kes li bendê bû dest pê kir.
Tehranê bi dehan balafirên bêmirov û mûşekan êrişî tel avîvê kir
Artêşa Îranê bi rêya bi sedan balafirên bêmirov û mûşekan êrişa bi navê ‘Girêdayî Sozê’ da destpêkirin.
Hemwextî şer, herdû welatan qada xwe ya hewayî ji seferên balafiran re girtin.
Her wiha Ûrdûnê jî qada xwe ya hewayî ji hemû balafiran re girt û gefa xistina balafiran xwar.
Ev êrişa Tehranê piştî êrişa Îsraîlê ya li dijî Balyozxaneya Îranê ya li Şamê pêk hat.
Bi destpêkirina êrişa Îranê re berpirsên Amerîkî û Îsraîlî ketine rewşa hişyariyê.
Li Tel Avîv û Tehranê gel li benda şerekî giran bû
Li Îsraîlê dengê alarima şer hat bihîstin û herkes di malên xwe de şiyar ma.
Li Îranê jî panîka destpêkirina şer di nava gel de belav bû.
Îsraîlê hemû balafirên bêmirov û mûşekên ranê bê bandor kirin
Wezareta Parastianê ya Îsraîlê jî hemû hêzên xwe xiste rewşa hişyariya bilind.
Di dema êrişê de sîstema parastina hewayî ya Îsraîlê karî hemû balafirên bêmirov û mûşekên Îranê bê bandor bike.
Hin mûşekên Îranê di dema xistinê de li paytexta Urdûn Umanê ketin.
Îran: Ger Îsraîl şaşitiyeke din bike dê bersiva wê girantir be
Piştî wê jî Îranê derbarê êrişa li ser Îsraîlê de, daxuyaniyek weşand.
Di daxuyaniyê de Îranê ragihand ku wan di çarçoveya madeya 51’emîn ya Peymana Neteweyên Yekbûyî de, mafê xwe yê parastina rewa bikaraniye û got:
Ev bersiva êrişa rejima siyonîst ya dijî mîsyona dîplomatîk a li Şamê ye, ev kar ji bo niha bi dawî bû.
Eger Îsraîl şaşiyeke din bike wê bersiva vê girantir be.”
Îranê her wiha di daxuyaniya xwe de diyar kir ku ev şer di nava Îran û Îsraîlê deye, divê Amerîka ji şer dûr bisekine.
Îsraîlê banga civîna lezgîn li Konseya Ewlekariyê ya Neteweyên Yekbûyî kir
Li aliyê din Îsraîlê bi rojeva êrişa Îranê banga civîna lezgîn li Konseya Ewlekariyê ya Neteweyên Yekbûyî (NY) kir.
Konseyê ragihand ku wê îro li ser vê rewşê bicive.
Amerîka ji bo kêmkirina Ragêşiya Îsraîl û Îranê hevdîtinan pêk tîne
