Dema Îran êrîşî Îsraîlê kir gelek welatan bi alîkariya parastina hewayî piştgirî dan Îsraîlê.
Serokkomarê Ukraynayê Zelensky bal kişand vê alîkariyê û bang li hevalbendên xwe kir da ku heman piştigiriya alîkariya bo Îsraîlê bidin Ukraynayê.
Li aliyê din jî Norwêc ragihand ku ew ê ji bo Ukraynayê hejmareke girîng balafirên F-16 radest bikin.
Serokomarê Ukraynayê Zelenskypiştgiriya ku ji bo Îsraîla ku ne endamê NATO’yê ye wek mînak nîşan da û her wiha banga piştgirîkirina Ukraynayê kir
Zelensky di daxuyaniya xwe ya li ser Telegramê da wiha got:
“Cîhana azad bi parastina Îsraîlê nîşan da ku yekîtiyeke wiha ne tenê gengaz e, ji sedî sed jî bi bandor e.”
Heman tişt ji bo parastina Ukraynaya ku wek Îsraîl ne endamê NATO’yê ye jî gengaz e.”
Zelensky: Tundiya êrîşên Rûsyayê yekîtiyeke zêdetir dixwaze
Ukrayna li hemberî derengxistina alîkariyan, di nav de pergalên parastina hewayî yên ku ew dibêje bi lezgînî hewce ne ji bo paşxistina êrîşên Rûsyayê, bertek nîşan dide.
Zelenskî di daxuyaniya xwe ya dawî de ev bertek nîşan da û got:
“Tundiya êrîşên Rûsyayê yekitiyeke zêdetir dixwaze.”
Wezîrê Karên Derve yê Ukraynayê Dmytro Kuleba jî di civîna çapemeniyê de piştgiriya Rojava ya ji bo Îsraîlê bi bîr xist û banga piştgiriya zêde bo Ukraynayê kir.
Kuleba di daxuyaniya xwe ya ligel hempîşeyê xwe yê Norwêcî de got:
“Dema ku hevalbendan bi awayekî pir kordîneyî tevbigerin, em dibînin ku yek moşek jî li hedefan nagire û nagihe armancên Îsraîlê.”
Norwêc soz dide ku hejmarek F-16 radestî Ukraynayê bike
Li aliyê din Wezîrê Karê Derve yê Norwêcê Espen Bart Eide bi Wezîrê Karê Derve yê Ukraynayê Dimitriy Kuleba re hevdîtin pêk anî.
Espen Bart Eide diyar kir ku ewê balafirên F-16 radestî Ukraynayê bikin.
Eide di bersiva pirseke der barê hejmara balafiran de jî diyar kir ku Norwêc niha bi Danîmarka, Hollanda û Îngilîstanê re hevkariyê dike.
Wezîrê Derve yê Norwêcê diyar kir ku di warê parastinê de ezmûna wî heye û dizane ku F-16 platformek pir bi hêz e û her tişt bi wê ve girêdayî ye.
“Ji ber ku ev platform platformek teknolojiya pir pêşketî ye,lê ya herî girîng pergala çekan e ku dikare li ser platformê were danîn, ango ev jî dê wekî pergalê tevkariyek girîng bike.”
