Li Derayê ji ber pirsgirêkên malbatî şer derket.
Li Şamê jî kesek hevjîna xwe tevîl malbata wê gulebaran kirin.
Di demekî ev rewş li nava herêmên Hikumeta Şamê rûdidin de, pirs gelo wê demê çi rola hikumetê heye derdikeve?
Ji şevê din û heta niha li bajarê El-Camis yê parêzgeha Derayê şerekî giran heye.
Ev şer di navbera malbata El-Cerada û El-Helqî de rûdide.
Sedema ewe malbatên navborî çend neviyên hev revandine, êşkence kirin û paşê hatine berdan.
Di vî şerî de malên welatiyan hatin topbaran kirin.
Her wiha bi çekên sivik û giran êrişî hev dikin.
Navenda çavdêriya Mafên Mirovan a Sûriyê ragihand ku di encama şer de heta niha çekdarek ji malbata birîndar bû.
Şer heta amadekirina vê nûçeyê jî dewam dikir.
Li vê parêzgehê rojane şer, kuştin, revandin û girtin heye.
Piştî van bûyerên li Derayê careke din hêza hikumetê li herêmên di bin kontrola wê de ket ber nîqaşê.
Li Şamê kesek hevjîna xwe jî di nav de ji malbata xwe 4 kes kuştin
Rewşa li Şamê jî ji ya li Derayê ne baştir e.
Doh kesek malbata hevjîna xwe vedixwîne li ser xwarinê.
Di dema ku xwarinê dixwin ew kes çeka xwe derdixe û dest bi gulebaranê dike.
Di encamê de 3 kes hatin kuştin û 2 jî birîndar bûn.
Çavdêriya Sûriyê eşkere kir ku îro yek ji birîndaran tevî hemû hewldanan jiyana xwe ji dest da.
Bi giştî di encamê de, hevjîn û xuşka wê jî di nav de 4 hatin kuştin û yek jî birîndar bû.
Li Laziqiyê leşkerkî hikumeta Şamê hate kuştin
Li aliyê din, li herêma qaşo “Bêçek” careke din şer derket.
Çavdêriya Sûriyê diyar kir ku li xetên şer yên Laziqiyê çeteyên Fetih El-Mubîn leşkerekî hikumeta Şamê kuştin.
Balafirekî bêmirov a teqemeniyê yên hêzên hikumeta Şamê cihekî çeteyan li deşta Xab yê li gundewarê Hemayê bombebaran kir.
Her wiha hêzên hikumetê bajarok û gundên li başûrê Idlibê topbaran kirin.
Têkildarî encama êrişê agahiyên zelal nehatin bidestixstin.
