Ji Fermandarên Biryargeha Navendî ya YJA Starê Şerda Mazlûm Gabar anî ziman ku dewleta Tirk ji bo li hemberî Tevgera Azadiyê ya Kurd bi ser bikeve serî li her rê û rêbazê dide û got:”Dewleta Tirk çi dike bila bike, nikare li hemberî gerîla bi ser bikeve.”
Ji Fermandarên Biryargeha Navendî ya YJA Starê Şerda Mazlûm Gabar tevlî televîzyona Medya Haber TV bû û mijarên di rojevê de, bi taybetî şerê li Kurdistanê nirxand.
Şerda Mazlûm Gabar anî ziman ku li Kurdistanê şerekî gelekî giran diqewime û got:
“Dibe ku şer hîn li tevahiya Kurdistanê belva bibe.
Ji ber ku van rojan trafîka dîplomasiyê jî gelekî zêde ye.
Ya rast ev yek serdemeke.
Li Kurdistanê êdî şerê gerîla jî bi rêbazên têne zanîn, bi taktîkên berê nayê meşandin.
Her carê dibêjin em ê îsal biqedînin, sala bê biqedînin.
Niha jî dibêjin em ê vê havînê biqedînin.
Ji bo havînê 2 meh man e, gelo wê çawa karibin tevgereke ewqasî mezin biqedînin?
Ev rewş veguherî rewşeke trajîkomîk.
Şerda Mazlûm Gabar: Dewleta Tirk dixwaze dagirkeriyê hîn belav bike
Fermandar Şerda Gabar li ser dîplomasiya di navbera Iraq û Tirkiyê de jî nirxand û got:
“Dewleta Tirk niha dîplomasiyê dimeşîne.
Ji Hewlêr, Bexda bûne mîna bajarekî Tirkiyê. Timî diçin û tên.
Ev hevdîtin hemû ji bo çi ne? Ji bo tasfiyekirina PKK’ê, ji bo serxistina planên Neo-Osmanî ye.
Dixwazin sînorê Mîsakî Mîllî temam bikin.
Dibe ku hikumeta Iraqê baş bi dîroka Tirkiyê yan jî kevneşopiya Osmanî nizanibe, lê belê dema destê xwe da, wê milê xwe winda bike.”
ŞerdaMazlûm Gabar: PKK li gorî qanûnên sîstema serwer nîne
Ji Fermandarên Biryargeha Navendî ya YJA Starê Şerda Mazlûm Gabar herî dawî diyar kir ku dixwazin Iraqê bidin aliyê xwe, Îranê bêbandor bikin û Sûriyê tevlî vê tifaqê bikin, bi vî rengî armancên xwe yên mêtingeriyê pêk bînin û got:
“Iraqê gotibû, ez PKK’ê weke rêxistineke terorê nabînim, lê belê rêxistineke li derveyî qanûnan e.
PKK her tim rêxistineke li derveyî qanûnan bû.
Ne li gorî qanûnên Iraqê, ne li gorî qanûnên Tirkan, ne li gorî qanûnên Amerîkayê ye.
PKK li gorî qanûnên sîstema serwer nîne. Tenê qanûnek heye ku PKK li gorî wê tevdigere, ew jî qanûna azadiyê ye.
Li gorî qanûnên azadiyê ye, li gorî qanûnên mirovbûyînê ye.
Ji bilî van ji xwe li her derê li derveyî qanûnê ye.”
