Di demên dawî de operasyonên Refahê di rojeva cîhanê de ye.
Îsraîl bi israre ku operasyona bejahî pêk bîne û sivîlan ji heremê derxe.
Qralê Urdinê Abdullahê duyemîn derbarê metirsiya operasyona bajarê Refahê ya Filistînê de hişyarî da û bal kişand ser pêwîstiya agirbesteke lezgîn û daîmî li Şerîda Xezayê.
Komkara Erebî jî bang li Amerîka û welatên Yekîtiya Ewropayê kir ku hinardekirina çek û cebilxaneyan bo Îsraîlê rawestînin.
Li aliyê din hat ragihandin ku Wezîrê Karên Derve yê Amerîkayê Antony Blinken hefteya bê wê serdana Îsraîlê bike.
Şerê li Şerîda Xezayê 202 rojin berdewam dike.
Cih bi cih êrîşên artêşa Îsraîlê hebin jî armanca sereke operasyona bejahî ya li Refahê ye.
Ji bo vê jî hewldanên Îsraîlê hene ku sivîlên li Refahê li bajêr derxin da ku karibin operasyonê xwe pêk bînin.
Li ser israra operasyona Refahê ya Îsraîlê jî ji hêla gelek dewletan ve rastî nerazîbûn û bertekan tên.
Qralê Urdinê li ser xeteriya operasyona Refahê hişyarî da
Qralê Urdinê Abdullahê duyemîn derbarê metirsiya operasyona bajarê Refahê ya Filistînê de hişyarî da û bal kişand ser pêwîstiya agirbesteke lezgîn û daîmî li Şerîda Xezayê.
Di daxuyaniya Dîwana Qraliyeta Urdunê de hat diyarkirin ku Qral Abdullah bi telefonê Serokomarê Fransayê Emmanuel Macron re axiviye.
Abdullahê duyemîn ji Macron re teqez kiriye ku ji bo pêşîgirtina li berfirehbûna xeleka pevçûnê li herêmê û kêmkirina rageşiyê divê xebat bên kirin.
Her wiha Qralê Urdinê bal kişand ser girîngiya dîtina çareseriyeke siyasî ji bo bidestxistina aştiyeke adil û berfireh.
Antony Blinken ji bo Refahê hefteya bê serdana Îsraîlê bike
Hat ragihandin ku Wezîrê Karên Derve yê Amerîkayê Antony Blinken hefteya bê wê serdana Îsraîlê bike.
Blinken li ser êrîşa bejayî ya artêşa Îsraîlê ya li ser Refahê û peymana pevguhertina girtiyan a di navbera Hemas û Tel Avîvê de gotûbêj bike.
Di nûçeya televîzyona dewletê ya Îsraîlê KAN’ê de hat diyarkirin ku Blinken wê di 30’ê Nîsanê de serdana Îsraîlê bike.
Hat destnîşankirin ku ji 7’ê Cotmeha 2023yan vir ve dê bibe 7’emîn serdana Wezîrê Karên Derve yê Amerîkayê Blinken bo herêmê.
Komkara Erebî: Divê firotina çekan bo Îsraîlê raweste
Komkara Erebî bang li Amerîka û welatên Yekîtiya Ewropayê kir ku hinardekirina çek û cebilxaneyan bo Îsraîlê rawestînin.
Komkara Erebî li ser asta nûnerên daîmî civîneke awarte lidar xist û li ser geşedanên li Şerîda Xezayê ku ev zêdetirî 202 roj in artêşa Îsraîlê êrîşên xwe didomîne, gotûbêj kir.
Li gor nûçeya ajansa fermî ya Misrê MENA’yê, yekîtiyê “Êrîş û qirkirina Îsraîlê ya li dijî gelê Filistînê Şerîda Xezayê, Şerîeya Rojava û Mescîda Eqsayê bi tundî şermezar kir.”
Yekîtiyê hişyarî da ku niyeta artêşa Îsraîlê ya êrîşa li ser bajarê Refahê tê wateya komkujiyeke nû ya li dijî gelê Filistînê.
Komkara Erebî: Ji bo aştiya heremê nasîna dewleta Filîstinê şenseke
Yekîtiyê her wiha vetoya Amerîkayê ya li ser serlêdana Filistînê ya ji bo endamtiya Neteweyên Yekbûyî şermezar kir.
Komkara Erebî diyar kir ku vetoyê nîşan dide ku Amerîka daxwaz û prensîbên aştî, ewlehî û îstiqrarê li herêmê pêk neaniye û EV YEK berovajiyê piştgiriya çareseriya du dewletî ye.
Komkara Erebî bang li hemû welatên ku dewleta Filistînê nas nakin kir ku di zûtirîn dem de wê nas bikin da ku şansê aştiya heremê û cîhanê biparêze û ewlehî û aramiyê dabîn bike.
