Rûsya bi moşekên balîstîk li bendera Odessa ya li Ukraynayê kir û di encama vê yekê de şewatek mezin derket, 13 kes birîndar bûn.
Her wiha li gorî analîstên Enstîtuya Lêkolînên Şer, Rûsya pêşveçûnên xwe li eniyê şer rawestandiyê û lêkolîneran vê yekê weke taktîkî dinirxînin ku Rûsya dixwaze ji bo şerek mezin hêza xwe kom dike.
Li aliyê din Amerîka artêşa Rûsyayê bi bikaranîna “çeka kîmyewî” li dijî hêzên Ukraynayê sûcdar kir.
Amerîka ev yek jî weke binpêkirina Peymana Çekên Kîmyewî bi nav kir.
Rusyayê êrîş bir li ser bendera Odessa ya li Ukraynayê.
Êrîşa ku bi moşkên balîstîk pêk hat herî kêm 13 kes birîndar bûn.
Piştî êrîşê cihê hatiye armanckirin agirekî mezin derket.
Di êrîşa li ser Odessayê de 13 kes birîndar bûn
Di wêne û vîdeoyên ku li ser Telegramê hatin weşandin, li cihê êrîşê şewat derket.
Kanaleke medyayî diyar kir ku embara şîrketa Nova Pushta ya serekî ya karûbarê postayê hatiye bombebarankirin.
Odessa gelek caran dibe armanca êrîşên Rûsyayê û mûşekên ku hatine avêtin di du rojên dawî de 8 kes kuştine.
ISW: Rûsya pêşveçûnên li eniyê rawestand
Her wiha li gorî analîstên Enstîtuya Lêkolînên Şer (ISW) hêzên rûsî pêşveçûna xwe sist kirine û dibe ku hêzên yedek amade bikin da ku ber bi Toretsk ve pêş ve biçin.
Li gorî rapora ISW di 30’ê Nîsanê de, piştî çend rojan yekem car, leşkerên Rûsyayê ti êrişên piştrastkirî li devera Avdivka pêk neanîn.
Li ser rêya Bahmut-Çasiv Yar, leşkerên rûsî ji nêzîkî Avdivka bêtir êrîş kirin.
Serfermandariya Ukraynayê diyar kir ku Rûsyayê 47 êrîş li ser Avdiivkayê û 57 jî li ser rêya Bahmutê, herî zêde jî li dijî Çasiv Yar êrîş kirin.
Ji 20ê Nîsanê ve, hêzên Rûsî balê dikişînin ser bidestxistina serkeftinên taktîkî li nêzîkî Okeretîno ya bakurê rojavayê Avdiivka û Novokalînovo ya bakurê Avdiivkayê.
Ji bo vê jî pêwîstiya Rûsyayê bi sekneke taktîkî heye ku hêzên xwe yên êrîşkar kom bike.
Washington Rûsya bi bikaranîna çekên kimyewî tawanbar dike
Li aliyê din Amerîka artêşa Rûsyayê bi bikaranîna “çeka kîmyewî” li dijî hêzên Ukraynayê sûcdar kir.
Amerîka ev yek jî weke binpêkirina Peymana Çekên Kîmyewî bi nav kir.
Wezareta Derve ya Amerîkayê di daxuyaniya xwe de anî ziman ku hêzên Rûsî bikaranîna çekên kîmyewî ku metirsiyên mezin çêdike û ew li dijî hêzên Ukraynayê wek rêbazek şer bikar tînin.
