Li Îngilîstan hilbijartinên heremî dest pê kir.
Hilbijêr dê 35 Komîserên Polîs û Sûcan li seranserê Îngilîstanê jî hilbijêrin.
Li Skoçya û Îrlandaya Bakur wê hilbijartin çênebin.
Tê payîn ku li gelek herêman encamên hilbijartinên herêmî 3’ê Gulanê şeva Înê û li hin herêman jî dawiya hefteyê bên eşkerekirin.
Îngilîstan û Wales ji bo hilbijartinên herêmî diçin ser sindoqan û şaredar, meclîs û komîsyonên polîsan hilbijêrin.
Ji bo Şaredarê Londonê, endamên Meclîsa Şaredariya Londonê û 10 şaredarên li derveyî paytexta Îngilîstanê deng wê bên dayîn.
Sadik Xan ku 2 serdemên dawîn şaredariya Londonê kir, ji bo cara sêyemîn namzetê Partiya Karker e.
Sadik Xan dê di hilbijartinên herêmî de bi 12 namzetan re bikeve pêşbirkê ku di nav wan de namzeta Partiya Muxafazakar Susan Hall jî heye.
Şaredarê Londonê nûnertiya 8,9 mîlyon mirovên li bajêr dijîn dike û bi budçeya 20,4 milyar sterlîn kar dike.
Wekî din, hilbijêr dê li seranserê Îngilîstanê dengê xwe bidin 107 rayedarên herêmî.
Dengdayîn îro destpê kir
Di hikumeta herêmî de, Muxafezekarên desthilatdar û Partiya Karker a sereke ya muxalefetê xwedî hejmarên mîna hev in, ku her yek nêzî hezar kursî ne.
Hejmara kursiyên Demokratên Lîberal kêm zêdeyî 400 kursiyan e û hejmara kursiyên Partiya Keskan jî ji 100’î zêdetir e.
Ji bilî vê, hilbijêrên Îngilîstan û Walesê dê ji bo hilbijartina 37 komîserên polîsan deng bidin.
Hilbijêr dê 35 Komîserên Polîs û Sûcan li seranserê Îngilîstanê jî hilbijêrin.
Dengdan li gorî saeta herêmî saet 07:00’an dest pê dike û wê heta saet 22:00’an bidome.
Li Wales tenê ji bo hilbijartina 4 Komîserên Polîs û Sûcan gel dê biçin ser sindoqan.
Komîserên Polîs û Sûcan alîkarî dikin ku hêzên polîs bi bandor tevbigerin, lê ew rasterast wan îdare nakin.
Komîserên Polîs û Sûcan dikarin mudiriyeta ewlehiyê tayîn dikin û dema ku hewce be dikarin wan derxînin.
Li Skoçya û Îrlandaya Bakur wê hilbijartin çênebin
Li Skoçya û Îrlandaya Bakur wê hilbijartin çênebin.
Piştî îstifa Parlamenterê berê yê Partiya Muhafazakar Scott Benton a li Îngilîstanê, parlamenterê nû yê Blackpool South wê bi pêşhilbijartinê bê diyarkirin.
Ev hilbijartinên herêmî dê ji bo partiyan bibe pêşbirkek girîng berî hilbijartinên giştî yên bê, ku divê bi qanûnê heta 28’ê Çileya 2025’an were kirin.
Tê payîn ku li gelek herêman encamên hilbijartinên herêmî 3’ê Gulanê şeva Înê û li hin herêman jî dawiya hefteyê bên eşkerekirin.
Encamên Şaredariya Londonê dê 4’ê Gulanê roja Şemiyê li avahiya şaredariyê were eşkerekirin.
Bi heman awayî, endamên meclîsa bajarê Londonê dê roja Şemiyê bêne eşkere kirin.
