Dewleta Tirk û PDK ku di her warî de bi binketinekî re rûbirû mane amadekariyê şerekî nû dikin.
Çavdêr û analîzker Ararat Aram planên PDK ya ji bo derxistina şerekî bi PKK’ê re parve kir.
Di analîzê de, şêwazê û sedemên derxistina şer tê ravekirin û weke tê texmînkirin plana wan ya yekem careke din Metîna ye.
Dewleta Tirk û PDK ku di her warî de bi binketinekî re rûbirû mane ji bo xilasiya xwe li provokasyoneke nû digerin.
Di demekî de ku Serokomarê Tirkiyê li pey dirêjkirina temenê desthilata xwe ye, PDK’e jî ji bo taloqkirina hilbijartinên ku ji wan re weke şeqamekî tê, ketiye nava tevgerê.
Li gorî analîza ku Ararat Aram dayî ajansa ANF’ê, piştî hevdîtinên sêgoşeya Enqere, Bexda û Hewlêrê li dijî Tevgera Azadiyê ya Kurdistanê amadekariyê şerekî nû tê kirin.
Hedefa destpêkê jî herêma Metîna xuya dike.
PDK di nava bêdengiyê de hevkiyata leşkerî dide dewleta Tirk
Ji bo destpêkirina operasyonê, sevkiyata leşkerî ya ji aliyê dewleta Tirk û PDK’ê ve ji bo herêmê tê kirin.
Lê ji bo di raya giştî de nerazîbûn çênebin, têkildarî operasyonê agahî nayên parvekirin.
Hat ragihandin ku artêşa Tirk ji şevê din ve li herêma Metînayê êrişek dijwar daye destpêkirin.
Her wiha hat diyarkirin ku ji bo PDK di operasyonan de hê aktîftir rol bigire hin amadekarî hatine kirin.
Tirkiye û PDK wê bi zanebûn pêşmergeyan bidin kuştin!
Di nav heman agahiyan de tê gotin artêşa Tirk di rojên pêş de wê hin hêzên girêdayî PDK’ê bide pêşiya xwe û berê xwe bide noqteyên HPG’ê yên li Metînayê.
Wê êriş bi vî awayî were organîzekirin.
Piştre ku HPG’ê bersiv da wê hêzên ku derbeyê dixwe weke ‘pêşmergeyan’ nîşan bidin.
Li gorî seneryoyê wê gerîlayên HPG’ê bi kuştina pêşmergeyan were tewanbarkirin.
Hat diyarkirin ku binesaziya provokasyoneke bi vî rengî hatiye amadekirin.
PDK û Erdogan xelasiya xwe di şerê li dijî gerîlayan de dibînin
Armanca sereke ji vê yekê jî, PDK dixwaze pirsgirêkên ku dijî bi şer binixumîne.
Li gorî agahiyan eger plan bi ser bikeve wê Nêçirvan Barzanî derkeve pêşberî kamerayan û bibêje:
“Em di rewşeke şer de ne. Hilbijartin di van şert û mercan de çênabe. Em ji ber vê rewşa awarte hilbijartinan taloq dikin.”
Her wiha PDK ji bo ji krîza aborî rizgar bibe xilasiya xwe di vir de dibîne.
Lewma ji bo sedemên şer biafirîne lez daye amadekariyên provokasyonê.
Di heman demê de dewleta Tirk jî ji bo vê planê bixe meriyetê hemû hêza xwe seferber kiriye.
