Parlamentera DEM Partiyê Newroz Ûysal Aslan her wiha endama Komîsyona Mafên Mirovan a Meclîsê têkildarî biryarên şewitandina înfazê yên Desteyên Çavdêrî û Îdareyê axivî.
Newroz Ûysal diyar kir ku çavkaniya van kiryaran tecrîd û îzolasyona li Îmraliyê ye.
Bi guhertina Qanûna Înfaza Ceza û Tedbîrên Ewlehiyê û Navenda Çavdêrî û Tesnîfkirinê û Rêziknameya Nirxandina Girtiyan ku di sala 2020’an de hate avakirin û di sala 2021’an de jî kete meriyetê li gelek girtîgehan tehliyeya gelek girtiyan hate redkirin.
Bo nimûne li Girtîgeha Girtî ya Jinan a Sîncanê di Cotmeha 2023’yan de tehliyeya 14 girtiyên jin û di sala 2024’an de jî tehliyeya 11 girtiyên jin ji ber van egeran hate paşxistin.
Parlamentera DEM Partiyê Newroz Ûysal Aslan her wiha endama Komîsyona Mafên Mirovan a Meclîsê ye li ser mijarê axivî.
Newroz Ûysal: Pergala îşkenceyê li Îmraliyê hatiye ava kirin
Newroz Ûysal Aslanê diyar kir ku kiryarên ku bi biryarên Desteyên Çavdêrî û Îdareyê yên li girtîgehan derketine holê veguherîne êşkenceya sîstematîk û got:
“Di dema avakirina van desteyan de nîqaşeke demê rû dabû, weke hewce ye ku sînoreke demê nebe.
Hin girtîgehan 3 mehan carekê nirxandinên xwe dikir, hinekan jî 6 mehan carekê.
Ji bo ku vê yekê objektîftir bikin dema vê yekê weke di navbera 6 mehan û salekê de hate diyarkirin.
Yan bêyî agahiya girtiyan biryar tên dayîn yan jî girtiyan vedixwînin van desteyan lê ji bo ku çavdêriyek tune ye, pirsên polîtîk li girtiyan dikin.”
Newroz anî ziman ku ji hemû girtiyên li Îmraliyê re 3 meh cezayê hevdîtina malbatê hate birîn û wiha domand:
“Veysî Aktaş, Omer Hayrî Konar û Hamîlî Yildirim dema ku li girtîgehên din dihatin rehîngirtin, wan dikarî mafên xwe yên hevdîtina malbatê, bikaranîna telefonê û hevdîtina bi wasiyên xwe re bikar bînin.
Lê ji roja ku ew birin Îmraliyê heya niha hemû mafên van ên berbehs hatin astengkirin.
Bi awayekî zelal li holê ye ku ji destpêkê ve ye ew pergala êşkenceyê ji bo kesekî hatiye avakirin û kesên dibin Îmraliyê jî bi vê êşkenceyê re rû bi rû dimînin.
Em baş dizanin ku hemû cezayên dîsîplînê ne rast in û li dijî hiqûqê û bi awayekî kêfî hatine dayîn.”
