Dijminên Rêveberiya Xweseriya Demokratîk bi rê û rêbazan cuda şêniyên herêmê dixapînin ji bo ku wan ji vê pergala civakî dûr bixin.
Şîrketa Kio Net ku sala 1998’an li Filîpînan ava bûye û dûre berê xwe daye Hong Kongê, yek ji wan navendan e.
Li herêmê ruxset negirtiye, bi rêya înternetê bazirganiyê dike.
Bi rêya malperên înternetê jî ciwanên herêmê dixapînin.
Gelek hêzên derve li dijî pergala herêma Bakur û Rojhilatê Sûriyê dixebitin.
Bi rêya malperên înternetê jî ciwanên herêmê dixapînin.
Şîrketa Kio Net ku sala 1998’an li Filîpînan ava bûye û dûre berê xwe daye Hong Kongê, yek ji wan navendan e.
Li herêmê ruxset negirtiye, bi rêya înternetê bazirganiyê dike.
Ev şîrket xwe li paş perdeya bazirganiya bi rêya înternetê vedişêre.
Li gelek dewletên cîhanê qedexekirî ye.
Gelek ciwanên herêmê ketin xefika vê şîrketê.
Wekîlên vê şîrketê, qurbaniyan diyar dikin, wan dixapînin ku dê di demeke kin de gelek pere bi dest bixin.
Heke xapandina wan aşkera bû, şîrket wekîlên xwe direvînin derve.
Ji bo ku kesek tev li şîrketê bibe divê di dewreyeke online re derbas bibe.
Di wê dewreyê de fêr dibin ka çawa kesên din bixapînin.
Ji bo ku bikarin tev li şîrketê bibin, ji wan tê xwestin ku herî kêm 2 kesan îqna bikin da ku tev li şîrketê bibin û li beramberî her yekî 225 dolar dibin.
Fuad Mihemed ku qurbaniyekî vê şîrketê ye diyar kir ku hevaleke wî pê re axivî û jê re got ji bo ku tev li şîrketê bibe divê 2 hezar û 500 dolar peyda bike û wiha got:
“Pereyên ku xwestine min peyda kir.
Ji min xwestin kesên din tev li şîrketê bikim.
Dê bi wî awayî pere bi dest bixim.
Ji min xwestin hilberînên wan bikirim ku ne esalî ne.
Piştî ku min sextekariya şîrketê eşkere kir, min dawa pereyên xwe kir, lê hevlên min ên ku min bi wan bawer kiriye, guh nedan min.
Li cem Meclisa Edaleta Civakî ya Qamişloyê min doz li dijî wekîlên şîrketê vekir ên ku beriya rastiya wan eşkere bibe ber bi Başûrê Kurdistanê ve reviyan.”
Heta niha hejmara kesên bi şîrketê re kar kirine û revandina derve û hejmara qurbaniyan jî nayê zanîn.
Hêzên ewlehiyê yên herêmê lêpirsînên xwe der barê mijarê de didomînin.
Meclisa Edaleta Civakî jî, rêveberiya şîrketê sewqî lêpirsînê kir û di daxuyaniyeke xwe de ku 29`ê Nîsanê daye, bang li şêniyan kir ku bi şîrketên wiha neyên xapandin.
