Meclisa Kongra Star û Tevgera Jinên Kurd a Ewropayê (TJK-E) bi daxuyniyên cuda bertek nîşanî biryara desthilata Tirk a der barê ‘Doza Kobanê’ de nîşan dan û bang li gelê azadîxwaz bi taybet jinan kirin ku di xeta siyaseta demokratîk û jina azad de îsrar bikin.”
Nerazîbûnên li hemberî bêhiqûqiya Doza Kobanê didome.
Meclisa Kongra Star bi daxuyaniyekê bertek nîşanî biryara desthilata Tirk a der barê ‘Doza Kobanê’ de nîşan da.
Di daxuyaniyê de hate destnîşankirin ku biryara hat dayîn carekedin îsbat dike bingehê dewleta Tirk a faşîst li ser dek û dolaban hatiye avakirin û hate gotin:
“Hişmendiya faşîst a AKP-MHP’ê ne tenê ji bo gelên Tirk û Kurd, ji bo tevahî cîhanê xetereyeke mezin e.
Ji bo Tirkiye û Rojhilata Navîn ber bi tarîbûnê ve bibin, Tirkiye kirine zîndanek ser vekirî.
Ev biryarên hatine dayîn jî bi temamî siyasî ne û ji bo parastina DAIŞ’ê û ji nû ve vejînkirina wê ye.
Di roja îro de bi dehan berpirsên DAIŞ’ê yên kujerên jin û zarokan bi awayekî azad li Tirkiye digerin û Erdogan parastina wan dike.”
Kongra Star dawiyê de teqez kir ku ji bo jin karibin hîn pirtir ji civakê re pêşengtî û xizmetê bikin ew ê di xeta siyaseta demokratîk û jina azad de îsrar bikin.”
TJK-E: Divê em xwedî li doza Kobanê derkevin
Tevgera Jinên Kurd a Ewropayê (TJK-E) jî bi heman armancê daxuyanî da û got:
“Doza Kobanê ji bo nixumandina sûcên qirkirinê yên li ser gelê Kurd û êrîşên dagirkeriyê yên li ser Şengal û Rojava ya bi hevkariya AKP-DAÎŞ’ê, hatiye vekirin.
Encama ku di doza Kobanê de derket, careke din bû komkujî û tunehesibandina edaletê
Careke din nîşan da ku li Tirkiyê hiqûq bûye pêlîstika desthilatdariya faşîst a AKP-MHP’ê û dadgeh jî bûye dîka şanoyê.”
TJK-E’yê bang li jin û gelê Kurd kir ku li dijî desthilatdariya AKP-MHP’êt berxwedana xwe mezin bikin û wiha bidawî kir:
“Divê em xwedî li Doza Kobanê derkevin, xeta jinê ya berxwedanê ya li dijî DAÎŞ’ê biparêzin.”
