QSD: Mayîna 2 çeteyên DAIŞ’ê bi wan ve teqiya û hatin kuştin

Îro 2 çeteyan dixwestin mayînekê li ser rêya Hesekê-Reqa biçînin, ew mayîn di wan de teqiya û herdu hatin kuştin.

Navenda Ragihandinê ya QSD’ê eşkere kir ku îroj piştî nîvro, 2 çeteyên DAIŞ’ê hewl didan mayînekê li pêşiya Hêzên Koalîsyonê biçînin.

Lê di dema çeteyan xwestin wê bi hêzên koalîsyonê ve biteqînin, bi wan ve teqiya û yekser herdu hatin kuştin.

QSD’ê diyar kir ku ev tevgera çeteyên DAIŞ’ê hemwextî êrişên dagirkeriya Tirkiyê li dijî Bakur û Rojhilatê Sûriyê pêk tên.