Dewleta Tirk di şandina çeteyên xwe yên Sûrî li başûrê Kurdistanê bi israr e.
Çavdêriya Sûrî eşkere kir ku dewleta Tirk 400 çeteyên xwe yên ji Sûrî şandiye Başûrê Kurdistanê.
Ji bo ev çete li wir şerê gerîla bike pereyê dida çeteyên şandî welatên cuda 2 qat zêde kiriye.
Nanvedek Belgekirina Binpêkirinan a li Sûrî jî eşkere kir ku dewleta Tirk 300 çeteyên DAIŞ’ê li Dihokê bi cih kiriye.
Dewleta Tirk a qirker ji bo çeteyên xwe bişîne şerê li gel gerîla perê wan zêde dike.
Ji bo her çeteyekê li dijî gerîla şer bike, 3 hezar dolarê Amerîkî wê were dayîn.
Navenda Çavdêriya Mafên Mirovan a Sûriyê ev agahî bi awayeke berfireh parve kir.
“Ji bo şerê li dijî gerîla, dewleta Tirk perteyê çeteyên xwe duqat kiriye”
Dewleta Tirk beriya niha jî ji bo çeteyên dişandin welatên cuda, bi qasî hezar, hezar û 500 dolar dida wan.
Çavdêriya Sûrî: Artêşa Tirk 400 çete şandine Başûrê Kurdistanê
Lê diyare di şerê xwe yê bi gerîlayên azadiya kurdistanê re çiqasî tengav bûye ku heta nirxê pereyê van çeteyan jî 2 qat zêde kiriye.
Çavdêriyê dazanîn ku heta niha 400 çete şandine Başûrê Kurdistanê.
Hate hînbûn ku ev çete yên koma “El Hemzat, Sultan Murad û Sultan Silêman Şah in”.
Çeteyên ku hatine şandin berê di dagirkirina Efîrn, Serêkanî û Girê Spî de cihê xwe girtibûn.
Niha ev çete di bin parêzvaniya PDK’ê de li dijî gerîlayên azadiya Kurdistanê şer dikin.
Çavdêriyê dazanîn ku heta niha bi sedan çeteyî ji bo biçin şer navê xwe nivîsandine.
Beriya niha jî dewleta Tirk çeteyên xwe yên ji Sûrî şandibû, Lîbya, Somal, Azerbeycan û Nîjerê.
300 çeteyên DAIŞ’ê li Dihokê hatine bicihkirin
Li aliyekî din jî Navenda Belgekirina Binpêkirinan jî bi daxuyaniyekê heman agahiyên şandina çeteyan ji bo Başûrê Kurdistanê piştrast kir.
Di daxuyaniya ku hate belavkirin de, wiha hate gotin:
“Dewleta Tirk li herêmên Sûrî yên dagirkirî bi ser hev çeteyan perwerde dike û dişîne Başûrê Kurdistanê.”
Navendê eşkere kir ku niha bêtirî 300 çeteyên DAIŞ’ê li herêma Berwarî Bala ya Dihokê hatine bicihkirin.
YNK: Bêtirî 300 DAIŞ’î li Berwarî Bala hatine bicihkirin
Beriya niha jî Berdevkê YNK’ê Sedî Ehmed Pîre bi daxuyaniyeke çapemeniyê ragihandibû ku PDK û Artêşa Tirk bêtirî 300 çeteyên DAIŞ’ê li herêma navbûrî bicih kirine.
Pîre anîbû ziman ku ev çete hemû bi nav û belge li gel wan hene.
