Kongra Star duh li Taxa Til Hecer a Hesekê komxebatek li darxist. Komxebat bi daxuyniyekê bi dawî bû û tê de hin biryarên girîng hat girtin.Yek ji wan jî xurtkirina hevgirtin û yekîtiya jinan di tevahî Sûriyê û Rojhilata Navîn de ye.
Kongra Star bi dirûşmeya “Bi tekoşîna hevpar emê deskeftiyên Şoreşa Jin biparêzin” li taxa Til Hecer a bajarê Hesekê komxebatek li dar xist.
Gelek jin li ser asta Bakur û Rojhilatê Sûriyê, Bakurê Efrîqayê û her wiha bi riya dîmen ji Efganistan, Lubnan, Iraq, Misir, Fîlîstîn, Sûdan, Tûnis û Mexribê beşdarî komxebatê bûn.
Komxebat bi daxuyaniyekê bi dawî bû û tê de wiha hat gotin,
Armanca sereke ji komxebatê ku yekîtiya jinan û tekoşînek hevpar bidin avakirin.
Di riya vê komxebatê em piştgirî didin tekoşer Bexşan Ezîzî ku biryara darvekirina wê ji aliyê dewleta Îranê hatiye dayin.
Em biryara wan şermezar dikin û dibêjin sîstema li Îran sîstemek xetere li ser hebûna jin û civakê.
Hin encamên girîng yên ji komxebatê derketin wiha ne,
- Rêxistinbûyîn û tekoşîna ji bo pêşxistina îdeolojiya azadiya jin.
- Parastin destkeftinên şoreşê û destxistina destkeftiyên nû.
- Vekirina dewreyan ji bo pêşxistina jinan di qada leşkerî taybet erka xwe parastin.
- Pêkanîna hepeymana civakî erka hemû sazî û dezgehên jinan e.
- Belgekirina sûcên şer yên dijî jinan û qirkirinên wê.
- Tekoşîn ji bo parastina ekolojî.
- Ji bo jinên ku tundî li ser wan pêk tê navend û cihên pêwist ji bo wan werin vekirin.
- Kesên sûncên kuştinên jinan pêk tîne were cezakirin.
- Pêşxistina jin di qada siyasî de.
- Xurtkirina hevgirtin û yekîtiya jinan di tevahî Sûriyê û Rojhilata Navîn de.
- Avakirina konfederalîzma jinan a demokratîk ku jin bikaribe ji her welatî cih bigre û niqaş bike.
