Komeleya Rojnamevanên Jin bertek nîşanî biryarên îdamê yên Îranê da û got: “Em bi rojnamevanên jin re ne ku li dijî polîtîkayên îdamê yên Îranê li ber xwe didin û têdikoşin.
Em bang li hemû saziyên çapemeniyê û rêxistinên jin dikin ku ji bo rawestandina cezayê îdamê, bikevin nav liv û tevgerê.”
Komeleya Rojnamevanên Jin (ROJIN) têkildarî biryarên darvekirin yên dewleta Îranê, daxuyaniyek da.
ROJIN da zanîn ku yek ji welatên ku herî zêde zext û girtin lê heye, Îran e û wiha domand:
“Piştî serhildanên Jin Jiyan Azadî ya di 2022’yan de destpê kirî, êrîşeke nû li ser êrîşa zêde bû.
Rejîma Îranê 23’yê Tîrmehê cezayê darvekirinê da rojnamevan Pexşan Ezîzî û aktîvîst Şerîfe Muhammedî.
Serokkomarê nû Mesûd Pizişkiyan polîtîkayên îdam, zext û tundiyê ji Îbrahîm Reîsî dewr girt.”
“Divê rêxistinên jinan ji bo rawestandina cezayê darvekirinê bikevin tevgerê”
ROJIN destnîşan kir ku weke Komeleya Rojnamevanên Jin ew bi rojnamevanên jin re ne ku li dijî polîtîkayên darvekirne yên Îranê li ber xwe didin û têdikoşin û wiha pê de çû:
“Her wiha em bi hemû jinên ku ji bo azadiya xwe li ber xwe didin jî re ne.
Di şexsê Pexşan Ezîzî û Şerîfe Muhammedî de em rojnamevanên bi wêrek û aktîvîstên jin silav dikin, ku li dijî zextên dewletan faşîzan û mêtinger serî natewînin. Em bang li hemû saziyên çapemeniyê û rêxistinên jinan dikin ku ji bo rawestandina cezayê darvekirine bikevin nav liv û tevgerê.”
Kongra Star : serhildana li rojhilatê kurdistanê wê bibe bingeha yekitiya jinên cîhanî
Meclisa Kongra Star bi daxuyaniyekê nivîskî bertek nîşanî cezayê darvekirinê ku rejîma Îranê yê li rojnamegera Kurd Pexşan Ezîzî û çalakvan Şerîfe Muhammedî biriye da.
Meclîsê eşkere kir ku bi sedan jinên ji bo azadiya xwe tê dikoşin di girîgehên rejîmên Îran û Tirkiyê de hatine ragirtin û êşkence li wan tên kirin û wiha domand;
“serhildana li Rojhilatê Kurdistanê wê bibe bingeha yekitiya jinên cîhanî. Şoreşa keziyan ku li Îranê dest pê kiriye nîşan da ku sedsala 21’an sedsala jinan e.
Çawa jinên Rojhilatê Kurdistanê di dema êrişên çeteyên DAIŞ’ê yên li ser xaka Rojava de şer kir û ev xak bi xwîna wan hate avakirin, erka me ye jî wekî jinên Rojavayê Kurdistanê-Bakur û Rojhilatê Sûriyê li dijî zordestiya li ser gelê me serî hildin.
Meclisê li dijî pergalên serdest banga xurtkirina têkoşînê li jinan hat kirin.
Meclisa Îştar biryara cezayên darvekirina jinan ya li Îranê şermezar kir
Meclîsa Îştar a Wargeha Mexmûrê jî bi daxuyaniyekî bertek nîşanî biryara darvekirinê ya li Pexşan Ezîzî û Şerîfe Muhammedî da û got.
Meclîsê destnîşan kir ku komara Îranê ku sembola desthilatdariye di her alî de mafê jinê binpê dike.
Meclîsê bang li hemû jinên cîhanê kir ku dibin paradigmaya civak a demokratik, ekolojik û azadîxwaziya jinê de kom bibin û li hemberî desthilatdariya merê serdest tekoşîna rizgariya jin bi serkeftinê tacidar bikin.”
Koordînasyona Jinan a Herêmê: Darvekirn beşek ji siyaseta çewsandinê ye
Her weha ji jinên li kantona Tebqayê jî nerazîbûn derket.
Koordînasyona Jinan a Rêveberiya Xweser a kantona Tebqayê diyar kir ku cezayên darvekirinê yên li dijî Şerîfe Muhamadî û Pexşan Ezîzî beşeke siyaseta çewisandinê ya desthilata Îranê a li dijî jinan e.
Dawiyê, bang li rêxistinên mafên mirovan û desteyên hiqûqî kirin ku van sûcên hovane rawestînin û dengê jinan bilind bikin.
Girtiyên Jin ên li girtîgeha evînê ji bo Pexşan Ezîzî çalakiyan li dar dixin
