Înîsiyatîfa “Pêwîstiya min bi aştiyê heye”, di salvegera merasîma şewitandina çekan de, wê di 11’ê Tîrmehê de li ber Deriyê Dîkmenê yê Meclîsê daxuyaniyeke çapemeniyê bide û ji bo aştiyeke mayinde ‘5 daxwazên lezgîn’ pêşkêşî parlamentoyê bike.
Înîsiyatîfa “Pêwîstiya min bi aştiyê heye”, di salvegera merasîma şewitandina çekan de ku 11’ê Tîrmeha 2025’an bi pêşengiya Besê Hozat Koma Aştî û Civaka Demokratîk a ji 30 gerîlayî çek şewitand, wê li ber Deriyê Dîkmenê yê Meclîsê daxuyaniyê bide çapemeniyê.
Jinên ku wê saet di 11:00 de daxuyaniyê bidin, wê “5 daxwazên xwe yên lezgîn” pêşkêşî Meclîsê bikin.
Daxwazên înîsiyatîfê bi vî rengî ne:
“Qanûna Têkoşîna li dijî Terorê bê rakirin, siyaset êdî weke sûc neyê dîtin û girtiyên siyasî azad bibin.
Dawî li kiryarên qeyûm bê anîn û îradeya demokratîk a gel bê naskirin.
Mafê perwerdeya bi zimanê dayikê bi destûra bingehîn bê misogerkirin.
Ji bo aştî di nava mercên wekhev û demokratîk de bê avakirin, pêvajoyên danûstandinan bê meşandin.
Ji bo aştiyeke bi rûmet û mayinde Meclîs qanûnên pêwîst û sererastkirinên demokratîk bêyî derengxistinê bixe meriyetê.”
Înîsiyatîfê li ser hesabên xwe yên medya dîjîtal ji bo xurtkirina têkoşînê bang kir.
