Li nava welatên Yekîtiya Ewropa daxwazên normalbûna bi Esed re, li gel hinek welatan bûye sedema nerazîbûnê.
8 welatên YE ji bo koçberên Sûrî banga avakirina herêmeke ewle li welat kir.
Almanya jî li dijî vê yekê helwesta xwe careke din diyar kir û got: Rewş ji bo vê yekê ne destdayî ye.
Di rewşeke wiha de kî wê çi qezenc bike?
Nameya hevpar a 8 welatên Yekîtiya Ewropayê (YE) ku 22’ê Tîrmehê hat weşandin, polîtîkaya YE’yê ya Sûriyê ji nîqaşan re vekir.
Di nameya ku ji aliyê wezîrên karên derve yên Îtalya, Awûstûrya, Xirvatîstan, Çek, Komara Qibris, Yewnanîstan, Slovenya û Slovakyayê ve hatiye îmzekirin de daxwaza asayîkirina têkiliyên bi Serokê Hikumeta Şamê Beşar El Esed re tê kirin.
Di nameyê de pêşniyarên ji bo destnîşankirina nûnerekî YE-Sûriyê, vegerandina Balyozê Sûriyê li Brukselê û avakirina 10 “herêmên ewle” li navçeyên di bin kontrola hikûmeta Şamê de tê kirin.
Welatên YE dixwazin bi vê yekê vegera koçberan pêk bînin.
Di nameyê de tê îdiakirin ku rewşa li welat aram bûye.
Çavdêrên mafên mirovan, vekoler û Neteweyên Yekbûyî (NY) bi hişyarî daxuyanî dan û teqez kirin ku Sûriye ji bo gelemperî û vegera koçberan ne ewle ye.
Nûnerê Taybet ê NY ji bo Sûriyê Geir Pedersen di axaftina xwe ya li Konseya Ewlekariyê ya NYyê de diyar kir ku Sûriye di nav şer û kaosa parçebûnê de ye.
Pedersen da zanîn ku welat di navbera aktorên çekdar, pêkhateyên di lîsteya rêxistinên terorê de hatiye parvekirin.
Îlham Ehmed: Ji bo koçberan projeya me heye
“Ev mirov dikarin xwe bispêrin herêma me.
Di vî warî de divê konsepteke NY ji bo Rêveberiya Xweser hebe.”
Rêvebirê Bernameya Rojhilata Navîn û Bakurê Afrîkayê yê Konseya Ewropî ya Têkiliyên Derve Julien Barnes-Dacey, teqez dike ku ramana avakirina herêmek ewle bêyî garantiyên ewlehiyê yên watedar nayê qebûlkirin.
Almanya têkiliyan bi Şamê re asayî nake
Almanyayê careke din ragihand ku ew têkiliyên xwe bi hikumeta Şamê re asayî nake.
Li gorî çapemeniya Almanyayê,
Hemwextî vê ji Almanyayê jî helwestek têkildarî mijarê derket.
Berdevkê Wezareta Karê Derve ya Almanyayê got:
“Diyar e ku rejîma Sûriyê rojane sûcên herî xeternak ên mafên mirovan li hember gelê xwe didomîne.
Ji ber rewş wisa ye em gavan ber bi normalîzekirina têkiliyên bi rejîma Sûriyê re naavêjin.”
