Endamê Komîteya Rêveber a PKK’ê Dûran Kalkan têkîldarî şerê Îsraîl-Hemas, rageşiya Îsraîl-Hizbullah-Îranê nirxandin kir.
Dûran Kalkan anî ziman ku li pişt provokasyona Hemasê ku şerê li Xezayê dest pê kir Tayîp Erdogan bû.
Kalkan diyar kir ku rêveberiya AKP-MHP’ê dixwazin girêdayî Hizbullahê şerê li gel Îsraîlê pêş bixin û got: “Faşîzma AKP-MHP’ê berê Tirkiyê da felaketekê”
Endamê Komîteya Rêveber a PKK’ê Dûran Kalkan têkîldarî şerê Îsraîl-Hemas, rageşiya Îsraîl-Hizbullah-Îranê nirxandin kir.
Dûran Kalkan diyar kir ku şerê li Xezayê û bûyera li Tehranê girêdayî hev in û wiha got:
“Li Xezeyê ji bo berjewendiyên madî yên biçûk bi milyonan kes hatin qetilkirin.
Ev yek li pêşiya çavên her kesî pêk hat. Şer ji bo vê yekê hate derxistin. Yên ku daxwaziya vê yekê dikirin, hebûn.”
Dûran Kalkan: Li pişt provokasyona Hemasê Tayyîp Erdogan bû
Kalkan anî ziman ku li pişt provokasyona Hemasê ku şerê li Xezayê dest pê kir Tayîp Erdogan bû ev tişt anî ziman:
“Erdogan berê Hamasê da şerekî bi vî rengî. Hêvî dikir ku ew ê rêya enerjiyê ya Îsraîlê bide betalkirin û ji pergalê re rêya xwe bide qebûlkirin.
Lê belê piştî ku biryarbûna Îsraîl û Amerîkayê dît, dest bi lawahiyan kir.
Erdogan ji aliyê hin hêzan ve hatiye xapandin û weke provokator hatiye bikaranîn hewl da ku xwe xilas bike lê belê nekarî.”
Dûran Kalkan: Faşîzma AKP-MHP’ê berê Tirkiyê da felaketekê
Dûran Kalkan diyar kir ku rêveberiya AKP-MHP’ê dixwazin girêdayî Hizbullahê şerê li gel Îsraîlê pêş bixin û ev nirxandin kir:
“Rêveberiya AKP-MHP’ê berjewendiyên xwe bi vî şerî ve girê dane. Ger Îran û Îsraîl şer bike wê her du alî jî pêwîstî Tirkiyê bin û wê her tiştê li herêmê biguhere û wê xwe xilas bike.
Ger li Lubnanê şerî di navbera Hizbullah û Îsraîlê de nede destpêkirin, wê bi xwe li Qibrisê bi Îsraîlê re şer bike. Wê dor were wî û Qibrisê.
Tirsa wî ji ber wê yekê ye. Faşîzma AKP-MHP’ê berê Tirkiyê da felaketekê. ”
Dûran Kalkan: Di şerê Îran û Îsraîlê de wê gel werin çewisandin
Kalkan an ziman ku ew weke tevger li hemberî şerê bi vî rengî ne û di encama şerekî wiha de wê gel werin çewisandin û got:
“Çawa ku gelê Xezeyê hate çewisandin bi heman rengî di encama şerekî wiha de wê gel werin çewisandin.
Ev ne şerê azadî, demokrasî û antîfaşîzmê ye. Şerê talankirinê ye. Şerê berjewendiyan e. Şerê emperyalîstan e.”
Dûran Kalkan: Divê Îran li hemberî tehrîkên Tirkiyê û hêzên din nexape
Her wiha Dûran Kalkan di şerê Xezayê de li ser helwestên Îranê ev yek anî ziman:
“Rêveberiya Îranê li hemberî tahrîkên girêdayî Xezeyê bi rastî jî bi awayekî stratejîk tevgeriya.
Divê teqez Îran li hemberî tahrîkên Tirkiyê û hêzên din nexape. Divê nebe alîgirê şerekî bi vî rengî.”
