Li gorî analîza pisporan sala 2024’an bibe sala herî germ.
Xizmeta Guhertina Avhewayê ya Copernicus a Yekîtiya Ewropî derbarê germahiya cîhanê de daneyek parve kir.
Li gorî Xizmeta Guhertina Avhewayê ya Copernicus a Yekîtiya Ewropî, sala 2024 her ku diçe bibe sala herî germ, her çend Tîrmeh li gorî heman pêvajoya sala borî “hinekî sartir” bû.
Li gor daxuyaniya Kopernikusê, germahiya hewayê ya li ser rûyê erdê ya meha borî hat pîvandin, 0,68 pile ji navîneya Tîrmehê ya navbera salên 1991-2020’an re bû.
Meha borî “duyemîn tîrmeha herî germ” bû ku heya niha li seranserê cîhanê hate tomar kirin, bi germahiya hewaya ser rûyê erdê navînî 16,91 pileyî Celsius bû.
Di meha tîrmehê de li gor heman heyama par bi 0,04 pile germahî kêm bû, heyama ku 13 meh li pey hev rekorên germahiyê hatibûn tomarkirin bi dawî bû.
Ji aliyê din ve heta niha 2 rojên herî germ ên li ser rûyê erdê di meha borî de pêk hatin û germahiya rojane ya cîhanê di navbera 22-23 Tîrmehê de gihaşt 17,16 pileyê.
Li gelek deverên cîhanê germahî li ser normalê hatin pîvandin
Meha borî, dema ku germahiya navîn li Ewropayê 1,49 pileyî li ser navîneya 1991-2020’an hat pîvandin, piştî Tîrmeha 2010’an wekî duyemîn tîrmeha herî germ a li Ewrûpayê hate tomar kirin.
Germahiya hewayê bi piranî li Ewropaya Başûr û Rojhilatê ji navînî jortir bû, li bakur-rojavayê Ewropayê ew nêzî navînî an di binê navîn de bûn.
Li çar aliyê cîhanê, germahiya hewayê bi piranî li rojavayê Amerîka û Kanada, piraniya Afrîka, Rojhilata Navîn û Asyayê, û rojhilatê Antarktîkayê ji navînî zêdetir bû.
Sala 2024 dê ji sala borî pir germtir be
Her çend meha borî rekora germahiyê nehate şikandin jî, di navbera rêbendan û tîrmehê de anormaliya germahiya global di heman heyamê de 0,70 pile li ser navîneya 1991-2020 û 0,27 pile ji navîneya 2023’yan derbas bû.
Ji bo ku îsal ji par germtir nebe divê germahî herî kêm 0,23 pile dakeve.
Pisporan diyar kirin ku ev îxtîmal ne mimkûn e û îxtîmala sala 2024’an bibe sala herî germ a ku di qeydan de hatiye tomarkirin zêde dibe.
Cîgira Midûrê Xizmeta Guhertina Avhewayê ya Copernicus, Samantha Burgess got:
“Rewşa giştî neguheriye, avhewaya me germ dibe.
Bandorên wêranker ên guherîna avhewayê beriya sala 2023’an demek dirêj dest pê kir.”
