Serokkomarê Îranê Mesûd Pezeşkiyan, roja Yekşemê endamên hikûmeta xwe ku yek ji wan jin e ji bo erêkirinê pêşkêşî meclîsê kir.
Dîplomatê ku weke Wezîrê Karên Derve hat pêşkêşkirin, ji welatên rojava re vekirî hat nirxandin.
Li Îranê serokomar bêyî erêkirina parlamentoyê dikarin cîgirên xwe destnîşan bikin.
Serokkomarê Îranê Mesûd Pezeş kiyan, roja Yekşemê endamên hikûmeta xwe ku yek ji wan jine ji bo erêkirinê pêşkêşî meclîsê kir.
Serokê Meclîsê Muhammed Bager Galîbaf, di rûniştinekê de navê 19 endaman parve kir.
Tê texmînkirin ku meclîs wê îro dest bi nirxandina lîsteya namzetan bike û ji roja Şemiyê û pê ve pêşkêşî dengdayînê bike.
Pezeşkiyan, dîplomatê xwe Abbas Aragçî yê 61 salî weke wezîrê karên derve wezîfedar kir.
Aragçî ku bi vekirîbûna xwe ya ji welatên Rojava tê naskirin, di sala 2015’an de li Viyanayê di pêkanîna peymana navneteweyî ya li ser bernameya nukleerî ya Îranê de roleke sereke lîst.
Pezeşkiyan Farzane Sadiqî ji bo erka wezîrtiyê namzet nîşan da
Pezeşkiyan, jina bi navê Farzane Sadiqî ku mezûna plansaziya bajarî ya Wezareta Rê û Bajarvaniyê bû û li Wezareta Îskanê di erkên berpirsyar de wezîfe girtibû, namzet nîşan da.
Eger bê erêkirin, ew ê ji dîroka 1979’an a damezrandina komara Îslamî û vir ve bibe duyemîn jina ku ji bo erka wezîrtiyê tê wezîfedarkirin.
Li Îranê Serokkomarê berê Mehmûd Ehmedînejad di sala 2009’an de jinek weke wezîra tenduristiyê xist nava kabîneya xwe.
Di rûniştina parlementoyê de ku navên namzedan hatin eşkerekirin de, gelek parlementeran nerazîbûna xwe li hember tayînkirina Sadiqî anîn ziman.
Du hefte dema parlementoyê heye ku namzedan binirxîne û dengê pêbaweriyê bide.
Li Îranê serokomar bêyî erêkirina parlamentoyê dikarin cîgirên xwe destnîşan bikin.
Pezeşkiyan hefteya borî Zahra Behrûz Azar wek cîgira xwe bo karûbarên jin û malbatê destnîşan kiribû.
Pezeşkiyan, fermandarê Polîsan ku yek ji endamên berê yê Pasdarên Şoreşê General Îskender Muminî weke Wezîrê Karên Hundir nîşan da.
Ji bo Wezareta Parastinê jî General Ezîz Nasirzadehî pêşniyar kir.
