Piştî ku Ukranyayê li dijî Kurskê êrîşek mezin pêkanî, Rûsya niştecihên navçeyek a herêma Belgorodê tehliye kir.
Bi hezaran leşkerên Ûkranyayî ji Sêşema hefteya bihurî û vir ve li vê herêmê seferber bûne.
Li aliyê din ji ber şewata Santrala Hêza Nukleerî ya Zaporijyayê Rûsya û Ukrayna hev tawanbar kirin.
Rûsya îro da xuyakirin ku ew li dijî êrîşên Ukraynayê navçeyek a girêdayî herêma Belgorodê vala kirine.
Waliyê herêma Belgorodê Viyacheslav Gladkov jî bi daxuyaniyek got:
“Ji bo me sibeheke ku fikaran çêdike heye.
Ji bo ewlehî û tenduristiya niştecihên herêmê, em wan tehliyê cihên ewletir dikin.”
Li gorî hejmarên fermî nifûsa herêmê dora 14 hezar e.
Rayedarekî ewlekariyê yê Ûkraynayê êvara Şemiyê ji AFP’ê re axivî û got:
“Armanc qelskirina çeperên dijmin e, windahiyên mezin bi wan dayîne, aramiya Rûsyayê xirakirin û şer derbasî nava xaka Rûsyayê kirine.”
Rûsya roja Şemiyê zêdeyî 76 hezar kes ji herêma bandor lê bûye derxist.
Li aliyê din Ûkrayna jî xwest, herî kêm 20 hezar sivîl ji herêma Sûmiy bên valakirin.
Şewata Santrala Hêza Hukleerî ya li Zaporijya
Li aliyê din Santrala Hêza Nukleerî ya Zaporijyayê şewat derket.
Di encama şewatê de xisareke mezin gihiştiye pergala sarkirina santralê.
Li gor daxuyaniya Saziya Enerjiya Nukleer a Rûsyayê şewat di radeyeke girîng hatiye de hatiye vemirandin.
Ji ber şewata Zaporijya Rûsya û Ukrayna hev tawanbar kirin
Her wiha bi derketina şewatê re Rûsya û Ukraynay hevdu tawanbar kirin.
Di daxuyaniya Rûsyayê de wiha hat gotin:
“Ev bûyer wek terora nukleerî ya ku ji aliyê rayedarên Ukraynayê ve hatiye kirin dikarin bi nav bikin”
Santrala Nukleerî ya Zaporojya li başûrê rojhilatê Ukraynayê santrala nukleerî ya herî mezin a Ewropayê ye.
Santrala elektrîkê di Adara 2022’yan de ji aliyê Rûsan ve hatibû girtin.
Ukrayna: Rûsya şewata Zaporijya derxist
Her wiha lîderê Ukraynayê Volodymyr Zelenskiy ragihand ku şewata Santrala Nukleerî ya Zaporijya ji aliyê Rûsyayê ve hatiye destpêkirin.
Zelenskiy diyar kir ku li gor tespîtên ewil asta radyasyonê normal bû û diyar kir ku dibe ku bi vî awayî dewam neke.
Zelenskiy diyar kir ku “Rûsya ji roja ku ew santrala nukleerî girtiye ji bo şantajê li Ukrayna, Ewropa û cîhanê bi kar tîne.”
Zelenskiy bal kişande ser wê yekê ku ew li bendê ne ku cîhan û Ajansa Navneteweyî ya Enerjiya Atomê tevbigerin û got:
“Divê Rûsya ji ber vê yekê berpirsyar be.
Tenê kontrola Ukraynayê ya li ser Santrala Nukleerî ya Zaporijya dikare garantiya vegerê ya normalbûnê û ewlekariya tam bike.”
