Artêşa Îsraîlê gelek êrîşên esmanî li bakur, navend û başûrê Xezeyê pêk anîn.
Di van êrîşan de bi giştî li başûr û navendê Şerîda Xezayê 48 kes hatin kuştin.
Li aliyê din Hemasê ragihand ku di du bûyerên cuda de li Xezayê, dîlekî Îsraîlî kuştiye û 2 dîl jî birîndar kirine.
Şerê Îsraîl û Hemasê di 312 rojin didome.
Wezareta Tenduristiyê ya Filîstînê bîlançoya dawî parve kir.
Wezaretê ragihand ku di 24 saetên dawîn de 32 kes mirin û 88 kes jî birîndabûn.
Li gor Wezaretê ji destpêka şer ve hejmara miriyan derket 39 hezar 929 kesan.
Ya birîndaran jî derket 92 hezar û 240 kesan.
Li Şerîda Xezayê di êrîşa Îsraîlê de 35 kes mirin
Artêşa Îsraîlê gelek êrîşên esmanî li bakur, navend û başûrê Xezeyê pêk anîn.
Hat diyarkirin ku di êrîşa Îsraîlê de 24 jê li bajarê Xan Yunisê 35 kes hatin kuştin.
Li gor çavkaniyên tenduristiyê li başûr-rojhilatê Xezayê 8 kes mirin.
Di êrîşa ku li Kampa Penaberan a Bureyc ya li navenda Şerîda Xezayê hat kirin de 2 kes mirin û 7 kes jî birîndar bûn.
Li Başûrê Xezayê 13 kes hatin kuştin
Her wiha di êrîşên artêşa Îsraîlê yên li ser navend û başûrê Şerîda Xezayê de jî herî kêm 13 kes hatin kuştin.
Li gorî agahiyên çavkaniyên tenduristiyê di encama topbarana artêşa Îsraîlê a li rojhilatê Dêra Belahê, 4 kes hatin kuştin.
Li Kampa Penaberan a Megaziyê di encama bombekirina malekê de 2 kes hatin kuştin.
Xebatkarên tenduristiyê diyar kirin ku di êrîşa Îsraîlê ya li ser malan de 4 kes hatine kuştin û gelek kes jî birîndar bûne an jî di bin xirbeyan de mane.
Li bajarê Refahê yê li başûrê Şerîda Xezayê, artêşa Îsraîlê avahiyên nû yên li Taxa Tel es Sultan teqandin.
Ekîbên lêgerîn û xilaskirinê cesedê 3 kesên ku di êrîşên ku bi şev ji aliyê artêşa Îsraîlê ve li Refahê hatin kirin de dîtin.
Hemas: Dîlekî Îsraîlî hat kuştin û 2 jî birîndar bûne
Li aliyê din Hemasê ragihand ku di du bûyerên cuda de li Xezayê, dîlekî Îsraîlî kuştiye û 2 dîl jî birîndar kirine.
Berdevkê baskê çekdar ê Hemasê Îzzeddîn el-Qassam Ebû Ubeyda got:
“Di du carên cuda de, du leşkerên Hemasê yên ku erkê parastina girtiyên Îsraîlî dikirin, gule li girtiyekî Îsraîlî reşandin û ew yekser kuştin û du girtiyên jin jî bi giranî birîndar kirin.”
Ebû Ubeyde anî ziman ku komîteyek ji bo lêkolînkirina bûyerên kuştinê hatiye avakirin.
Di daxuyaniya ku li ser Telegramê hat weşandin de, nasnameya kesên dîl û bûyer kengî û li ku qewimîne nehatine eşkerekirin.
Berdevkê Artêşa Îsraîlê Avichay Adraee got:
“Hamas di çend deqîqeyên dawî de raporek nivîskî weşand û îdia kir ku di du bûyerên cuda de girtiyekî Îsraîlî kuştiye û 2 girtiyên jin jî birîndar kirine.
Di vê qonaxê de tu belgeyeke îstixbaratê tune ye ku îddayên Hemasê piştrast bike.”
