Kuştina xwepêşandarên Iraqê dewam e û Hikûmet jî xwe ji vê dide aliyekî..
Li Bexdayê careke din di encama êrîşa li dijî xwepêşandanan de 25 kesan jiyana xwe ji dest dan û 130 jî birîndar bûn.
Tê gotin, xwepêşandêr ji aliyê komên nenas ve hatin kuştin.
Serokomarê Iraqê van koman bi derveyî qanûnê binav dike û Serokatiya Herêma Başûrê Kurdistanê jî ragihand ku, “ti bihane tine ne ku sivîl werin kuştin”.
Ji despêka Cotmehê ve li Iraqê xwepêşandanên ku despê kirine bi dawî nebûn.
25 kesên din li Iraqê hatin kuştin û 130 jî birîndar bûn..
Li qada Xelanî ya li nêzî Pira Sink a navenda Bexdayê, di encama gulebaran komên nenas li ser xwepêşanderan, ev komkujî pêk hat.
Ev jî bû sedem ku, rewşek ji tirs û hêrsê li nava Iraqê rû bide..
“Komkujiya Sink” a li Iraqê
Serokê Iraqê komkujiyê şermezar dike..hêzên ewlekariyê bêdeng bûn
Li gorî dezgehên ragihandinê, tê texmînkirin, ev kom girêdayî Îranê bin..
Bi taybetî berî du rojan, bêyî hebûna ti boneyê, 10 hezar Afganî derbasî Bexdayê bûn..
Serokê Iraqê Berhem Salih kesên komkujî pêk anîne, bi kesên “derveyî qanûnê” bi nav kir.
Bêdengiya hêzên Ewlekariyê ya derheqê vê rewşê de jî gumanan bi xwere dide avakirin.
Perlemantoya Iraqê plan kir ku wê roja duşemê bi awerte bicivin.
Li gorî daxuyaniya Komîteya mafê Mirovan a Perlemanê, divê fermandarên Ewlakriyê, tişta li Bexdayê çêbûye, ji xelkê re zelal bikin..
Her wiha destnîşan kir “bûyerên bi vî rengî, dihêle ku lêpirsîneke navdewletî li dijî Iraqê vebe”.
“Komkujiya Sink” a li Iraqê
Serokatiya Başûrê Kurdistanê: Ti bihane ji bo kuştina sivîlan tine ne
Ji aliyê xwe ve, serokatiya herêma Başûrê Kurdistanê, bi daxuyaniyekê diyar kir ku, “ti bihane tine ne ku xwepêşandar werin hedefgirtin”.
Bi taybetî di demeke ku gel xwe ji bo meşeke milyonî amade dikin de, tê gotin hinek alî hewildidin vê serhildanê bi kuştinê bidin rawestandin.
