Li Rojhilatê Ewropayê lehî bandoreke neyênî ava kir.
Li Çekya, Polonya, Awûstûya û Romanyayê gelek kesan neçar man malê xwe biterîkînin.
Rayedarên welatên li Rojhilatê Ewropayê li aliyekî tedbîran digirin û aliyekî jî hewl didin kesên di bin bandora lehiyê de mane veguhezînin heremeke bi ewle.
Ji ber barana zêde li navend û rojhilatê Ewropayê bi taybetî li Çekya û Polonyayê lehî rabû.
Hat diyarkirin ku bajarê Çekyayê Kirnov ku 23 hezar nifûsa wê heye bi temamî di bin avê de ma.
Şaredarê bajêr diyar kir ku ji sedî 70 heta 80’ê bajêr di bin avê de maye û ji bo valakirina heremê jî dereng maye.
Li Çekya û Polonya lehî rabû
Hat ragihandin ku welatiyên li herêmê asê mane bi helîkopteran ji hewayê tên rizgarkirin.
Kirnov bi qasî 240 kîlometreyan li rojhilatê paytext Pragê ye.
Her wiha hat destnîşankirin ku li bajarên Opava û Ostrava yên li rojhilatê Komara Çek rewş xeter e.
Li seranserê welêt li zêdetirî 120 stasyonên pîvandinê hişyariya herî zêde hate ragihandin.
Li Polonyayê di lehiyê de kesek mir
Li Polonyayê ku di lehiyê de kesek mir, xebatên tehliyekirinê dewam dikin.
Şarêdarê bajêr destnîşan kir ku asta avê li hinek bajaran heta 1,5 metreyan bilind bûye.
Hat ragihandin ku ava çemê Neîsse ku di şert û mercên asayî de bi navînî metreyek e derket 6,84 metreyî.
Ji ber lehiyê dê ji Yekîtiya Ewropayê piştgirî bê xwestin
Hat ragihandin ku welatiyên ku ji bo ji lehiyê xilas bibin xwe spartine qatên jor ên avahiyan, bi botan ji aliyê tîmên komando yên artêşê ve hewl didin wan derxînin.
Şaredarî da zanîn ku bajarê ku 26 hezar nifûsa wê heye av nayê peydakirin û di demeke kin de dê gaza xwezayî bê qutkirin.
Serokwezîrê Polonyayê Donald Tusk soza alîkariya aborî da welatiyên ku ji ber lehiyê zirar dîtine û da zanîn ku dê ji Yekîtiya Ewropayê piştgirî bê xwestin.
Eyaleta jêrîn a Awûstûryayê wek herêma bobelatê hat ragihandin
Li herêmên bakur-rojhilatê Avusturyayê rewş giran e.
Hat ragihandin ku agirkujek dema li ser erka xwe bû, jiyana xwe jidest da.
Serokwezîr Karl Neuhammer diyar kir ku rewş her ku diçe xerabtir dibe û çavkaniyên ji fonên bobelatê dê ji herêmê re bên şandin.
Neuhammer diyar kir ku karesata lehiyê ya li eyaleta Jêrîn a Awûstûrya ya li derdora paytext Viyanayê di asteke nedîtî de ye.
Neuhammer da zanîn ku hemû eyalet wek herêma bobelatê hatiye ragihandin.
Li Romanyayê herî kêm 6 kes mirin
Li Romanyayê ji ber barana zêde û lehiyê herî kêm 6 kes mirin.
Hat ragihandin ku li herêma Moldovayê ya li bakur-rojhilatê welêt 2 kesan winda bûne.
Hat diyarkirin ku li herêmê asta avê heta 1,7 metreyan bilind bûye û welatî ji bo ku ji ber avê nebin hilkişiyan ser banê avahiyan.
