Fermandariya HPJ’ê ya Rojhilatê Kurdistanê bi wesîleya salvegera serhildana ‘Jin Jiyan Azadî’ daxuyaniyeke nivîskî da.
HPJ’ê ji jinan daxwaz kir ku xwedî li keda rêber Apo derkevin û got: Şoreşa Jin Jiyan Azadî bi wate û rastiyên pir kûr barkirî ye.
Fermandariya Hêzên Parastina Jinên Rojhilatê Kurdistanê (HPJ) têkildarî duyemîn salvegera serhildana “Jin Jiyan Azadî” daxuyanî da û berxwedana jinan silavkir.
Fermandariya HPJ’ê daxuyakirin ku dîroka azadiya jin xwedî kokeke kevnar e û di hemû merheleyên wê de rastiyên pir dewlemend veşartî ye û got:
Her çiqasî sıstemên desthilatdar jin bi kuştin, destavêtin û destdirêjiyê re rû bi rû hiştine jî jinan tu carî serî netewandine..
Yanî ev sîstem her çiqasî xwestibe jinan tune bike jî, kok û cewhera wê ku jiyanê ava dike û hêviyê azadiyê geş dike nekarî bi giştî tune bike.
HPJ: Serhildana “Jin, Jiyan, Azadî” bi wate û rastiyên pir kûr barkirî ye
HPJ’ê balkişand ser hevgrtin û kombûna jinan ya li dora dirûşmeya Jin, Jiyan, Azad” ku rêber APO pêşkeşkiriye.
Du sal berê dema Jîna Emînî bi destê rejîmê Îran ya dagirker hate şehîdkirin kombûneke xurt ya jinan li dora dirûşmeyê çêbû.
Di dîrokê de cara yekem felsefeyekî sînorên netew, ol, bawerî û çand derbas kir û giştî mirovahî girte hindirê xwe.
Mirovahî careke dîtir fam kir ku li hember sîtema kapîtalîst yekane rêkê alternatîf paradîgmaya Rêber Apo ye.
Şoreşa Jin Jiyan Azadî bi wate û rastiyên pir kûr barkirî ye.
Ev şoreş dînamîkekî heta dawî stratejîk e û her pêngavê ku pêş dikeve jî di her milî de îdeolojîk e.
Ev, felsefeya jiyana nû ya azad e.
HPJ: Divê hemû jin bi awayekî yekgirtî xwedî li keda Rêber Apo derkevin
Fermandariya Hêzên Parastina Jinên Rojhilatê Kurdistanê (HPJ) êrîşên desthilatê yên ji bo tepsandina dengê heqîqetê bi bîrxist û got:
Dijmin tengav bûye û şoreşê ji bo xwe wek metirsiya herî mezin dibîne.
Bi rê û rêbazên herî bê pîvan û bê exlaq êrîşî jin û civakê dike.
Ji bo vê jî pêwîste hemû jin xwedî li destkeftiyên ku Rêber Apo ji bo şoreşa jin ava kiriye derkevin.
Li ser vê bingehê divê li qadan xwedî parastinek xurt bin û heta dawî yekgirtî bin.”
