Ji ber barana zêde li rojava û navenda Afrîkayê herî kêm 500 kes mirin û bi sed hezaran kes jî malên xwe teriqandin.
Li aliyê din başûr-rojhilatê Asyayê ku ji destpêka vê mehê û vir ve di bin bandora bagera Yagî de ye, ji ber lehî û şemîtina axê li Myanmar, Vîetnam, Laos û Taylandê zêdeyî 500 kes mirin.
Li herêmên rojava û navendî yên Afrîka û Sûdanê ji ber barana zêde, bû sedema windahiyên canî û xisareke mezin.
Hat ragihandin ku ji lehiyê herî zêde Çad, Sûdan, Sûdana Başûr û Nîjeryayê bandor bûne.
Di daxuyaniya Neteweyên Yekbûyî de hat destnîşankirin ku ji ber lehiyê heta niha herî kêm 500 kes mirine û zêdeyî 300 hezar avahî jî hilweşiyane.
Li gorî daneyên Ofîsa Koordînasyona Karên Mirovî ya Neteweyên Yekbûyî-OCHA tenê li Çadê mîlyonek kes ji ber lehiyê, li Nîjeryayê 600 hezar û li Nîjerê jî 300 hezar kes bi lehiyê re rû bi rû dimînin.
Hat ragihandin ku ji ber lehiyê li Kamerûn, Malî û hin herêmên Komara Demokratîk a Kongoyê kolan û zevî di bin avê de man û avahî hilweşiyan.
Li herêma Sahelê û derdora gola Çadê rewş xeter e
Rêvebirê Herêma Navend û Rojavayê Afrîkayê yê Rêxistina Alîkariyê ya Encumena Penaberan a Norwêcê Hassane Hamadou hişyarî da û got:
“Rewşa herêma Sahel û gola Çadê ji ber bandora şerên çekdarî, sirgûn û guherîna avhewayê xirabtir dibe.”
Hassane Hamadou da zanîn ku li Sûdana ku ji Nîsana sala borî ve bûye qada şerê desthilatdariyê, rewşek bi heman rengî derbas dibe û got:
“Ji ber nakokiyên siyasî yên navxweyî zêdeyî deh mîlyon mirov daketine ser rêyan û gel bi tundî re rû bi rû ye.”
Li Sûdana Başûr ku yek ji welatên herî feqîr ê cîhanê ye, li gorî daneyên Neteweyên Yekbûyî 735 hezar kes ji ber lehiyê bandor bûne û herî kêm 65 hezar kes jî bê mal mane.
Li Asyayê bandora lehî, bager û şemîtîna axê
Li aliyê din başûr-rojhilatê Asyayê ku ji destpêka vê mehê û vir ve di bin bandora bagera Yagî de ye, ji ber lehî û şemîtina axê li Myanmar, Vîetnam, Laos û Taylandê zêdeyî 500 kes mirin.
Li gorî qenala televîzyonê ya dewletê ya Miyanmarê, di lehiyê de 226 kesan jiyana xwe ji dest dan, 77 kes jî winda ne.
Hate ragihandin ku nêzî 260 hezar hektar zeviyên birincê yên li welêt tine bûne.
Ofîsa Koordînasyona Mirovî ya Neteweyên Yekbûyî ragihand ku ji ber lehiyên li Myanmarê bandor li 631 hezar kesî kiriye.
Bagera Yagî: Li Myanmarê 226 kes mirin, 77 kes winda bûn
Saziya Neteweyên Yekbûyî diyar kir ku pêwîstî bi xurek, ava vexwarinê, stargeh û kincan heye.
Neteweyên Yekbûyî ragihand ku ji ber lehiyê xisar li xetên ragihandinê, rê û piran bûye, lewma hewldanên alîkariyê têne astengkirin.
Hate ragihandin ku ji ber têkilî bi herêmên dûr re kêm e, zehmet e li ser rewşa mexdûran agahî bê komkirin.
