Li Portekîzê ji ber şewata daristanan ku ji 14’ê Îlonê ve berdewam dike û bû sedema mirina 7 kesan şîna neteweyî hat ragihandin.
Hat diyarkirin qada ku heta niha li Portekîzê şewitî û yek ji mezintirîn şewatên daristanan ên di dîroka welêt de rû da, bi qadeke 10 qatê paytext Lîzbonê ye.
Şewatên ku bi taybetî li herêma bakurê welêt bandor bû û zêdeyî 120 hezar hektar qada daristanan şewitî, hem bi destwerdanan û hem jî bi destpêkirina baranê hat kontrolkirin.
Li Portekîzê ku di 17’ê Îlonê de ji ber şewatan rewşa karesatê hatibû ragihandin, îro şîna neteweyî hat ragihandin.
Ji ber şînê alên li welêt daxistin nîvî.
Hat ragihandin ku di lêpirsînên ku di derbarê şewatên ku 7 kesan jiyana xwe ji dest dane û nêzî 160 kes jî birîndar bûne de heta niha 5 kes hatine binçavkirin.
Hat ragihandin ku ji ber şewata ku hin gundên li şêniyên bakurê welêt ên wek Averio, Vila Real, Braga, Viseu û Coimbra bi temamî şewitîn, bi sedan kes bê mal man û bi hezaran wesayît jî bûn xwelî.
