Saziya Materyalan (Minhacan) a Bakur û Rojhilatê Sûriyê piştî bidawîkirina beşa yekemîn a guhertina materyalên refên 1, 4, 7 û 10’an, dest bi beşa duyemîn a guhertinê kir.
Di qonaxa duyemîn de dê materyalên refên 2, 5, 8 û 11’an bên guhertin û di sala xwendinê ya 2025-2026’an de li dibistanan werin belavkirin.
Di der barê mijarê de hevserokê Saziya Materyalan Hevend Îbrahîm da zanîn ku wan ji 15’ê Îlonê ve dest bi pêvajoya guhertinê ya beşa duyemîn kiriye û ew ê beriya destpêkirina sala xwendinê ya 2025-2026’an bi dawî bikin.
Her wiha ji destpêkê ve bernameya guhertina dersan di her sê beşan de li gorî pêşinyar, nerînên mamoste û şagirtan hatiye danîn.
Di beşa sêyemîn de jî dê materyalên refên 3, 6, 9 û 12’an bên guhertin û di sala xwendinê ya 2026-2027’an de li dibistanan bên belavkirin.
