Nivîskar û şîrovekarê lubnanî Serkîş Ebû Zeyd diyar kir ku Rojhilata Navîn ber bi rageşiyeke gurtir ve diçe û derfetên çareseriya siyasî niha nîn in û got: “Til Evîv dê sûdê ji gurkirina aloziyê bigire.
Ji bo ku Îranê bikişîne nava şerekî ku DYA jî di nav de be.
Ew dixwaze Îran û DYA rasterast rûbirûyî hev bin.
Nîşaneyên şerekî herêmî yê xwedî rehendên navnetewî hene.”
Nivîskar û şîrovekarê siyasî yê ji Lubnanê Serkîş Ebû Zeyd şerê Îsraîl û Hizbullahê, geşedanên li başûrê Lubnanê û bandora wan ên li ser herêmê ji ANHA’yê re nirxandin.
Serkîş Ebû Zeyd da zanîn ku Rojhilata Navên ber bi rageşiyeke gurtir ve diçe û derfetên çareseriya siyasî niha nîn in, nemaze piştî şerê dijwar, êrişên li ser Beyrûtê û kuştina sivîlan û rayedaran.
Serkîş Ebû Zeyd: Aqûbeta hejmareke fermandarên Hizbullahê nayê zanîn
Ebû Zeyd diyar kir ku ev rageşî Hizbullahê dixe rewşeke dijwar ku dê di serî de bandorê li lîderê ku dê piştî Hesen Nesrallah were hilbijartin bike û wiha domand:
“Bi taybetî piştî kuştina Hesen Nesrallah heya niha aqûbeta hejmareke fermandarên Hizbullahê nayê zanîn.
Fermandarên ciwan, dê pabendî rêgeza Hesen Nesrallah bin.
Lê derfet û şiyanên wan bi xwezaya herêmê û karînên wan ên vehewandina aloziyê, parastina yek biryarê, çalakkirina wê û rêbazên ji nû ve çalakkirina Hizbullahê ve girêdayî ne.”
Serkîş Ebû Zeyd: Hizbullah hem ji aliyê civakî hem jî aborî ketiye nava aloziyê
Şîrovekarê siyasî destnîşan kir ku astengiya herî mezin helwesta Îranê ye û wiha pê de çû:
“Îranê pişta xwe dabû dîplomasiya xwe û diyaloga li gel DYA’yê, nemaze Partiya Demokrat lê niha divê helwesteke diyar nîşan bide.
Di encama van hevsengiyan de, Îsraîl hîna êrişî başûrê Lubnanê dike ku di encamê de Hizbullah hem ji aliyê civakî hem jî aborî ve xistiye nava aloziyê.”
Serkîş Ebû Zeyd: Nîşaneyên şerekî herêmî yê xwedî rehendên navnetewî hene
Serkîş Ebû Zeyd anî ziman ku Til Evîv dê sûdê ji gurkirina aloziyê bigire û got:
“Ji bo ku Îranê bikişîne nava şerekî ku DYA jî di nav de be.
Ew dixwaze Îran û DYA rasterast rûbirûyî hev bin.
Ji ber ku ji nêzîkbûna wan bi fikar e ku li ser hesabê stratejiya Îsraîlê be.
Heke alozî nehate vehewandin, dê gurtir bibe.
Nîşaneyên şerekî herêmî yê xwedî rehendên navnetewî hene.”
