Tevgera Civaka Demokratîk TEV-DEM’ê bi daxuyaniyekê nivîskî nasnameya 3 şehîdên di 9’ê Cotmehê li Şehba di encama êrişa balafira bê mirov de şehîd bûyîn eşkere kir.
TEV-DEM’ê ragihand kir di roja salvegera komploya navnetewî de êrişa pêkhatî rûreşî û metirsiya dewleta Tirk a dagiker dide nîşandan û got:
Di êrişê de şoreşger û têkoşerên 25 salan Zelal Efrîn, Mezlûm Antep û ciwanê welatparêz Alaf Murad şehîd bûne.
TEV-DEM’ê sozda ku ew ê tola hevrêyên xwe bi bilindkirina têkoşînê û mezinkirina şoreşê bidin.
Tevgera Civaka Demokratîk TEV-DEM’ê bi daxuyaniyekê nasnameya 2 şoreşger û welatparêzekî pêşeng eşkere kir.
Daxuyaniya TEV-DEM wiha ye:
“Dewleta Tirk li Bakur û Rojhilatê Sûriyê êrîşî jin, sivîl, çalakvan, binesazî û hemî nirx û destkeftiyên gelan dike.
Ev jî bûye sedema şehîdxistina bi dehan têkoşerên, jin, ciwan û pêşengên gelê me.
Yek ji wan kiryarên hovane jî di 9’ê cotmeha 2024’an de ye.
Bi hemû kîna xwe êrşî koçberên ku ji ber dagirkeriya AKP MHP’ê ji cih û warê xwe Efrînê derketine û li Şehbayê bi cih bûne kir.
Di encamê de 2 şoreşger û welatparêzek şehîd bûn.
TEV-DEM: Hevrê Zelal di nava şoreşa 19’Tîrmehê de bû pêşenga jinan
Hevrê Zelal Efrîn Ji salên 1990’an ve dest bi xebatên şoreşa azadiyê kir.
Ji salê 90’î heta 1999’an bi rengekî aktîv di nav xebatên civakî de li serasnerî Efrînê xebat meşandin.
Piştî girtina Rêber Apo derbasî çiya bû.
Bi destpêkirina şoreşa Rojava re careke di berê xwe da Rojavayê Kurdistanê û weke têkoşereke jin cihê xwe di nava şoreşê de girt.
Hevrê Zelal ji berxwedana kobanê jî bê par nema û bi lehengî li dijî DAIŞ’ê şer kir.
Şoreşgera 25 salan di kesayetiya xwe de pêşengtiya jin ji şoreşa 19 tîrmehê û şoreşa jin re isbat kir.
TEV-DEM: 25 salan bê rawestan têkoşîna azadiyê da meşandin
Her wiha Hevrê Mezlûm Entab, şoreşgerê ku 25 salan di nava tevgera azadiyê de xebat dane meşandin, di kesayeta xwe de yekbûna gelê me di her çar peçeyên kurdistanê de temsîl kir.
Di dema êrîşên hovane li ser Kobanê pêk hatin wî bê dudilî cihê xwe di nava berxwedana dîrokî de girt.
Erkên fermandariyê bi ruheke fedayetî û milîtaniyeke şoreşgerî pêk anî.
Tevî ku ew bû yek ji birîndarên qehreman yên vê berxwedana Kobanê wî bi baweriyeke mezin têkoşîn meşand.
Ew xwedî taybetmendiyên milîtan û kadroyê şoreşger yê xwedî kurahiya bîrdozî û hestên welatparêziyê bû.
TEV-DEM: Hevrê Alaf Murad her dem xwedî kes û rêzdariyek bê hempa bû
Ciwanê fedekar, pak û hêja, Alaf Murad ê ku ji malbateke welatparêz xwedî ked û xebateke demdirêj di tekoşîna azadiyê de, xwedî şehîd û nirxên pîroz.
Heval Alaf herdem amade bû ji bo pêkanîna hemû erk û karên ku jê dihat xwestin.
Bê teredud erkên xwe pêk anî.
TEV-DEM: Li ser riya şehîdan emê têkoşîna xwe bilind bikin
Em weke TEV-DEM di serî de malbatên rêhevalên xwe û ji bo hemû gelê kurdistanê re sersaxiyê dixwazin.
Ji gelê xwe, demokrasîxwaz û jinên azad re soz didin ku li ser riya şehîdan em ê tekoşîna azadî bilind bidin meşandin.
Agahiyên derbarê nasnameya şehîdan de wiha ye:
Navê Tevgerî: Zelal Efrîn
Nav û Paşnav: Fîdan Fatê
Navê Dayîkê: Ziyneb
Navê Bav: Hebş
Cihê jidayîkbûnê: Raco-1973
Cihê û dîroka şehafetê: 9-10-2024
Navê Tevgerî: Mazlum Antep
Nav û Paşnav: Husên Oztûrk
Navê Dayîkê: Fatma
Navê Bav: Mûstefa
Cihê jidayîkbûnê: Antep-1977
Cihê û dîroka şehafetê: 9-10-2024
Navê Tevgerî: Alaf Murad
Navê Dayîkê: Pedriya
Navê Bav: Mihemed
Cihê jidayîkbûnê: Heleb-2025
Cihê û dîroka şehafetê: 9-10-2024
