Fermandariya Biryargeha Navendî ya YJA Starê nasname ya fermandar Jiyan Herdem eşkere kir û got:
“Emê xwedî li têkoşîna hevrê Jiyan ya 31 salan derbikevin.
Em ê nirxên ku hevrê Jiyan ji bo têkoşiyaye û ji bo têkoşîna xwe, li her qadê mezin bikin û teqez azadiya fîzîkî ya Rêber Apo pêk bînin.”
Fermandariya Biryargeha Navendî ya YJA Starê nasnameya Fermandar Jiyan Herdem bi daxuyaniyekê eşkere kir.
YJA STAR’ê li ser şahadeta Fermandar Jiyan Herdem ev agahî parve kir:
“Yek ji fermandarên YJA Starê hevrê Jiyan Herdem 30’ê Mijdara 2023’yan li Herêmên Parastinê yên Medyayê dema li ser wezîfeya xwe, di êrîşeke dijmin de şehîd bû.”
YJA Star: Fermandar Jiyan Herdem 31 salan bê rawestan têkoşîn meşand
YJA STAR’ê li ser têkoşîna fermandar Jiyan Herdem ya 31 salan ev nirxandin kir:
Malbata hevrêya me Jiyan, ruhê Kurdîtiyê li gorî heqîqeta wê dijî.
Hevrêya me Jiyan jî di nava vê çanda Kurdîtiyê de mezin bû.
Di salên ciwantiyê de, şahidî ji ruhê welatparêzî, berxwedan û serhildana salên 1990’an re kir.
Di heman demê de dewleta Tirk a mêtinger, qirker û dijminê gelê Kurd, ji nêz ve nas kir.
Lewma di sala 1992’yan de, bi zanebûna welatparêziya kûr, xwesteka tolhildanê û ruhê serhildanê beşdarî nava refên têkoşîna azadiyê bû.
Di her kêliyê de xwe bi felsefe û fikrê Rêber Apo tejî kir û xwest tolê ji dijmin bistîne.
Hevrêya me Jiyan her tim çalakî, hevrêtî û jiyaneke mezin esas girt.
YJA Star: Fermandar Jiyan rastiya Rêber Apo kir bingeha felsefeya jiyana xwe
Hevrêya me Jiyan a ku ji herêma Botanê derbasî qada Rêbertî bû, li vir yekser ji Rêber Apo perwerde dît.
Ji bo Rêber Apo rast fêm bike, bi jiyanî bike û bigihêje kesayetek azad bi hemû hêza xwe ked da.
Hevrêya me Jiyan ku 31 salan awaza jiyana azad nivîsand û gihîşt rastiya vê jiyanê, di yek ji nirxandinên xwe de wiha gotibû, ‘Çûyîna ba Rêbertî ji bo min weke mîladek bû.’
Em ê nirxên ku hevrê Jiyan ji bo têkoşiyaye û ji bo têkoşîna xwe, li her qadê mezin bikin û teqez azadiya fîzîkî ya Rêber Apo pêk bînin.
Weke hevrêyên wê, di serî de malbata hêja ya hevrêya me Jiyan Herdem, em ji hemû gelê Kurdistanê yê welatparêz re sersaxiyê dixwazin.
Agahiyên derbarê nasnameya Şehîd de wiha ye:
Nasnav: Jiyan Herdem
Nav û Paşnav: Murvet Gulsever
Navê Dayikê: Kamîle
Navê Bav: Abdulkadîr
Cih û Dîroka Şehadetê: 30’ê Mijdara 2023’yan / Herêmên Parastinê yên Medyayê
