3 Şehîd li Hesekê bi merasîmeke girseyî hatin oxirkirin

Bi sedan şêniyên Hesekê 3 şervanên QSD’ê bi merasîmeke bi heybet li goristana gundê Dawidiyê oxir kirin.

Ji bo şervanên QSD’ê Alan Rerwîş bi nasnav Hogir Hesekê, Necdet Hemada bi nasnav Idil Şervan û Casim El-Iwêd bi nasnav Basil Hesekê ku di dem û cihên cûda de şehîd bûbûn li Hesekê merasîmeke girseyî pêk hat.

Bi sedan şêniyên Hesekê cenazeyên her sê şehîdan wergirtin û birin goristana gundê Dawidiyê yê Hesekê.

Li goristanê piştî merasîma leşkerî li ser navê Meclisa Malbatên Şehîdan û Meclisa Leşkerî ya Hesekê axaftin hatin kirin.

Axaftvanan sersaxî ji malbatên şehîdan re xwestin û diyarkirin ku ew ê li dijî êrîş û dagirkeriya dewleta Tirk li ber xwe bidin.

Paşê nasnameya şehîdan hat xwendin û radestî malbatên wan hat kirin.

Di merasîmê de her weha 42 şervanên QSD’ê ku di Çileya 2019’an de şehîd bûbûn jî hatin bibîranîn û soza xurtkirina têkoşînê hate dayîn.

Di dawiya merasîmê de girseya gel cenazeyê her sê şehîdan bi siloganên dilsoziya bi şehîdan re spartin axê.

Mijarên Girêdayi

Leave a Reply

Back to top button
Close
Close