Ji bo cangoriyên azadiyê îro jî merasîm hebûn. Şehîdên Berxwedana Rûmetê Ehmed Cedû û Şemsî Cedû li Tebqayê bi merasîmeke heybet hatin oxirkirin.
Ji bo şervanên QSD’ê Ehmed Cedû bi nasnav Ehmed Şîhab û Şemsî Cedû bi nasnav Ebû Ela ku di berxwedana Rûmetê de şehîd bûbûn, li Tepqayê merasîmeke girseyî pêk hat.
Bi sedan şêniyên Tepqayê cenazeyên her 2 şehîdan wergirtin û birin goristana şehîdan ya Tepqayê.
Li goristanê piştî merasîma leşkerî li ser navê Meclisa Malbatên Şehîdan Reşa El-Taha û li ser navê Meclisa Leşkerî ya Tebqayê fermandar Doçka Mihemed axivîn.
Di axaftinan de sersaxî ji malbatên şehîdan re xwestin û êrişên dewleta Tirk a dagirker yên li dijî herêmên Bakur û Rojhilatê Sûrî şermezar kirin.
Piştî ku nasnameya şehîdan hat xwedin, cenazeyên her du şehîdan bi tilîliyên dayikan û dirûşmeyên “Şehîd namirin” spartin axê.