Fermandarê alaya Qudsê a girêdayî Pasdarên Îranê Qasim Suleymanî bi fermana Serokê Emerîka Trump hate kuştin. Piştî êrîşê, Îran gef li Emerîka xwar û got: Wê berpirsyarên êrîşê bi awayekî tund werin cezakirin. Emerîka jî bang li hemû welatiyên xwe yên li Iraqê kirin ku bi lezgînî ji Iraqê derkevin.FILM
Fermandarê alaya Qudsê ya girêdayî Pasdarên Îranê Qasim Suleymanî bi operasyoneke taybet bi fermana Serokê Emerîka Donald Trump hate kuştin.
Wezareta Parastinê ya Emerîka Pentegonê der barê kuştina Suleymanî de daxuyaniyek nivîskî weşand û weha got:
Artêşa Emerîka, li ser biryara serok, li dijî Fermandarê Feylaqa Qudsê ya girêdayî Pasdarên Îranê Qasim Suleymanî ku ji aliyê Emerîka ve weke rêxistineke terorê tê dîtin êrîş pêk anî û ew kuşt. Ev gav di çarçoveya parastina xebatkarên Emerîka de bi biryardarî pêk hatiye.
Her wiha rêveberên Emerîkayê, bang li hemû hemwelatiyên xwe yên li Iraqê kir ku bi lezgînî ji Iraqê derbikevin.
Piştî kuştina Suleymanî Serokê Emerîka Donald Trump li ser hesabê xwe yê tiwitterê wêneyê ala Emerîka belav kir.
BERPIRSEKÎ IRAQÊ:
DI ÊRÎŞÊ DE HERÎ KÊM 7 KES HATIN KUŞTIN
Berpirsekî payebilind yê Iraqê jî ji Ajansa Associated Press ya Emrîka re axivî û da zanîn ku Cigirê fermandarên Haşdi Şabî Mehdî El Muhendis û Berpirsê Peyman û têkliyên bi gel re Riza Cabîrî jî di nav de heri kêm 7 kes hatine kuştin.
Berpirsê ku ne xwest navê wî eşkere bibe diyar kir ku El Muhendisî dema ji bo pêşwazîkirina Sûleymanî li balefirgeha Bexdayê amade bû êrîş pêk hat.
Berpirs anî ziman ku cenazeyê Suleymanî parçe bûye û ew ji rûyê wî hatiye naskirin.
FERMANDARÊ FEYLEQA QUDSÊ SULEYMANÎ HAT KUŞTIN
XAMANEY: EM Ê TOLA XWE HILÎNIN Û WÊ XEW NEKEVE ÇAVÊN WAN
Lîderê olî yê Îranê Elî Xamaney li ser kuştina Suleymanî axivî û got:
Em ê tola xwe hilînin û wê xew nekeve çavê wan.
Xamaneyî ji bo Suleymanî li Îranê 3 roj şîn ragihand.
FERMANDARÊ FEYLEQA QUDSÊ SULEYMANÎ HAT KUŞTIN
XAMANEY LI ŞÛNA SULEYMANÎ, QAANÎ ERKDAR KIR
Li gorî ajansa fermî ya Iranê IRNA, Xamaney li cihê Sûleymanî cîgirê wî General Îsmaîl Qaanî erkdar kir.
Qaanî, di şerê Iraq û Îranê de fermandariya Nasr 5 û tugaya (alay – lîwa) Riza 21 kiribû.
Wezîrê Derve yê Îranê Cewad Zarîf jî ev êrîş weke terorîzma navnetewî binav kir.
FERMANDARÊ FEYLEQA QUDSÊ SULEYMANÎ HAT KUŞTIN
POMPEO DÎMENÊ KÊFXWEŞIYA GELÊ IRAQÊ WEŞAND
d-iran-devrim-muhafizlari-kudus-gucu-komutan-kasim-suleymaninin-olduruldugunu-acikladi
Wezîrê Derve yê Emerîka Mike Pompeo piştî kuştina Suleymanî ragihand ku Îraqi kêfxweş bûn û li kolanan govend gerandin.
Pompeo, ev gotin bi rêya vîdeoyekê ku li ser tiwitterê belav bûbû, par ve kir.
Pompeo ji kanala Fox Newsê re jî axivî û diyar kir ku Silêymanî li dijî Emerîkayê amadekariya planek mezin a êrîşê dikir û eger nehatiba kuştin wê ev pêk aniba.
