MSD’ê xwest avakirina komîteya amadekar ya Kongreya Diyaloga Nîştimanî ji nû ve bê nirxandin û diyar kir ku komîteya hatiye avakirin, nûnertiya sûriyeyiyan bi hemû pêkhate û cihêrengiya wan nake û hêzên siyasî, civakî û nîştimanî bi awayekî aşkera hatine dûrxistin.
Meclisa Sûriya Demokratîk (MSD) diyar kir ku ew bi dilgiraniyeke mezin biryara avakirina komîteya amadekar a ‘Kongreya Diyaloga Nîştimanî’ dişopîne û got: “Ev komîte ji yek hêl û alîyekî siyasî hatiye avakirin, ev yek binpêkirina prensîba nûnertiya dadmend û berfireh a hemû pêkhateyên gelê Sûriyeyê ye.”
MSD`ê bi daxuyaniyekê diyar kir ku komîteya ku hatiye avakirin nûnertiya sûriyeyiyan bi hemû pêkhate û cihêrengiya wan nake û hêzên siyasî, civakî û nîştimanî bi aşkerayî hatine dûrxistin, dûrxistina wan binpêkirineke aşkera ya prensîba hevbendiya nîştimanî ye.
MSD’ê bal kişand ser wê yekê ku paşguhkirina bizanebûn û dûrxistina bimebest a hêzên siyasî yên nîştimanî yên ku bi salan li dijî rejîma Esed bûn û rastî kuştin, girtin, sirgûnkirin û koçberkirinê hatin, kiryarekê dide nîşan dide ku niyeteke rast tune ye ku her kes beşdarî avakirina siberoja Sûriyeyê bibe. Ev helwest wek dubarekirina siyasetên paşguhkirinê yên rejîma berê ne, ev jî dê li pêşiya avakirina dewleteke demokratîk bibe asteng.
MSD`ê daxwaz kir ku komîteyeke amadekar ku xizmeta Kongreya Diyaloga Nîştimanî bike ji nû ve were avakirin ku hemû pêkhateyên Sûriyeyê bihewîne û bikare diyalogeke nîştimanî ya rasteqîn ava bike û bibe alîkar ji bo avakirina Sûriyeyeke demokratîk, piralî û nenavendî ku mafên hemû welatiyên wê misoger bike.
