Fermandarekî Îranî: Kuştina Trump têr nake!

Gef û aloziya di navbera Îran û Emerîka de her ku diçe zêdetir dibe, piştî kuştina Suleymanî Îranî êdî bi kuştina Trump jî razî nabin. Serokê Emerîka Donald Trump dîsa gefa xwe dubare kir û got “çi êrîşek li ser welatî yan jî leşkerekî Emerîkî wê rastî bersiveke mezin were” . 

“Îran serê Trump jî têra xwe nabîne”.

Fermandarekî Feyleqa Qudsê ya Îranî name ji Emerîka re şand ku, “kuştina seerokê we jî têra kuştina Qasim Silêmanî nake”.

Elî Hacî Zada avêtina moşekan, xistina balefirên Emerîkî û heta jî kuştina Trump ji kêm dibîne û teqeziyê li ser derxistina Emerîka dike..

Kuştina Qasim Suleymanî
îÎsmail Qanî: Ji bilî qewtandina Emerîka ji herêmê qebûl nakin

Di heman çarçovêyê de serokê Feyleqê Qudsê yê nû Îsmaîl Qanî teqez kir ku “ew ji bilî qewtandina Emerîka ji herêmê qebûl nakin”.

Her wiha malbata Silêmanî jî mîna aliyekî leşkerî gefê li Emerîkayê dixwe..

Keça wî Zeyneb Silêmanî di merasîma definkirina bavê xwe de got, “Kuştina bavê min wê mirineke reş ji Emerîka û Îsraîl re bîne”.

Aliyê din ango Emerîka jî, zimanê xwe tûjtir dike..

Donald Trump:
Heta Îraq lêçûnên baregeha hewayî nede, em dernakevin

Li hemberî wê jî, Serokê Emerîka Donald Trump dîsa gefa xwe dubare kir û got “çi êrîşek li ser welatî yan jî leşkerekî Emerîkî wê rastî bersiveke mezin were”.

Trump hemwextî neraîbûnên Kongersê ragihand ku “ew destûrê ji bo vê mijarê ji Kongersa Emerîkî naxwaze”.

Serokê Emerîka li hemberî biryara Perlemana Îraqî ya derxistina hêzên biyanî jî got “heta Îraq bihayê baregeha hewayî nede, ew dernakevin”

Her wiha wezîrê derve yê Emerîka jî destnîşan kir ku “armancgirtina Îran rewa ye û ew ê Komara Islamî bi xwe bikin armanc”.

Emerîka – Îran
6 moşek li nêzî balyozxaneya Emerîka ya li Bexdayê ketin

Li ser erdê jî,Balyozxaneya Emerîka li Bexdayê rastî êrîşek bi moeşekan hat.

Li gorî dezgehên ragihandinê, 6 moşek li herêma Kesek a Bexdayê ketin.

Her wiha hat ragihandin ku, moşekek jî li maleke sivîlan ketiye û birîndar çêbûne.

Emerîka – Îran
Komên Îranî ji bû kemalê vedikişên

Li aliyekî din jî çavdêriya Sûrî ya Mafê Mirovan ragihand ku komên Îranî yên li bajarê Bû Kemalê yê Sûrî, ji bo parastina xwe ji wir vedikişên û li nava baxçeyên li ber ava çema Firatê bi cih dibin.

Wezîra Parastinê yê Emerîkî jî gotibû: hêzên me 3 baregehên Îranî li Iraqê û du jî li Sûriyê kirin hedef.

Leave a Reply

Back to top button