Ev demek bû ji bo piroseya perwerdê û ezmûnên xwendekaran xebata dihat meşandin.
Ser vê yekê Desteya Perwerde û Fêrkirinê a Rêveberiya Xweser a bakur û rojhilatê Sûriyê û wezareta Perwerdeyê ya desthilata Şamê hedîtin kiribûn.
Herdû aliyan li ser hin xalan nîqaş kiribûn û diviya bû ku ew xal werin erêkirin lê hîna jî deshilata Şamê tu bersiv ne daye.
Bo wê Desteya Perwerde û Fêrkirinê ya Rêveberiya Xweser daxuyniyeke da.
Destey ê ji Wezareta Perwerdeyê ya desthilata Şamê xwest ku ku bi lez bersiva xalên rêkfetina di naberî wan bide.
Û ji bo misogerkirina proseya ezmûnan û mafên xwendekaran gavên pêwîst bavêje.
Desteya Perwerde û Fêrkirinê ya Bakur û Rojhilatê Sûriyeyê derbarê rêkeftina ku di navbera wan û Wezareta Perwerdeyê ya desthilata Şamê de pêk hatiye daxuyaniyek da.
Desteyê diyar kir piştî lihevkirina Mezlûm Ebdî û Ehemed El-Şeri Yek ji babetên herî girîng yên vê qonaxê, çareserkirina dosyeya proseya ezmûnan a her 2 bawernameyên navîn û amadehî bi hemû şaxên wê ye.
Desteya Perwerde û Fêrkirinê ya Herêma Bakur û Rojhilatê Sûriyê li siberoja xwendekarên xwe miqate ye û da ku keda wan a salên dirêj ên xwendinê biparêze xebat dan meşandin.
Desteya Perwerdeyê bi Rêxistina UNICEFê re ket danstandinan daku dosyeya proseya ezmûnan bi Wezareta Perwerdeyê ya Şamê re guftûgo bike.
Piştî dan û standinên onlinê, peyaman û wergirtina nameyan, hevdîtineke zindî li Şamê rojên 13-14ê Nîsana 2025’an di navbera şandeya Desteya Perwerde û Fêrkirinê û şandeya Wezaretê de pêk hat.
Di civînê de li ser gelek xalên giring lihevkirin hat kirin, hin ji wan xalan jî ev in:
Pê-rabûnên tomarkirinê bên hesankirin û dema wê bê dirêjkirin da hemû xwendekarên ku biranşên Şamê dixwînin bikarin xwe tomar bikin.
Rê ji xwendekaran bê dayîn ku ezmûnan li deverên xwe bikin da çûn û hatin bandorê li wan neke.
Avakirina komîteyeke hevbeş a demkî ji bo rêvebirina proseya ezmûnan bi biranşê Şamê li Bakur û Rojhilatê Sûriyê.
Proseya perwerdeyê ya xwendekarên Rêvberiya Xweser ji bo sala xwendinê 2024-2025 wekî salên borî dewam bibe.
Desteyê da zanîn ku vê hevdîtinê hêviyên xwendekar û malbatan geş kirin û Desteya Perwerdeyê helwesteke nerm nîşan da û pabend bû ku bêyî bidesxistina rêkeftineke dadmend venegere û got:
“Piştî sazkirina belgeya hevbeş bi serperiştiya UNICEFê, Desteyê amadebûna xwe ya yekser bo cîbicîkirinê ragihand, lê Wezareta Perwerdeyê ev rêkeftin ji bo pesend-kirinê bo aliyên siyasî yên bilind veguhast.”
Wezareta Perwerde a Şamê hîn bersiv ne daye
Tevî ku dem teng bûye, herwiha ezmûn nêzîk bûne jî, heta niha tu bersiveke fermî ji hêla Wezareta Perwerdeyê ve derneketiye.
Desteya Perwerde û Fêrkirinê ya Bakur û Rojhilata Sûriyê bang li Wezareta Perwerdeyê a Şam kir ku bi lez bersiva xwe li ser bendên rêkfetinê bide û gavên pêwîst bavêje.
