Li Libnanê xwepêşandan îro dîsa destpê kirin

by ehmad aseed
60 views

Li Libnanê xwepêşandêr careke din ji bo şermezarkirina siyaseta aboriyê daketin qadan.

Xwepêşandan di bin navê “Hefteya Hêrsê” de pêk hatin û li gelek bajaran rê li çûnûhatinê girtin.

Piştî banga çalakiyan ya li ser tora civakî, bi sedema ku rewşa aboriyê xirab dibe û ji vê re çareserî naye dîtin, xwepêşandêr li Beyrût û bajarên din daketin kolanan.

Li gorî dezgehên ragihandinê xwepêşandêran ji duh êvarê ve Pira Rîng ku ji paytext derbas dibe û başûr û bakurê Libnanê bi hev girêdide girtin.

Her weha Kolana Hamra ya ku Bankaya Navendî ya Libnanyê lê ye jî hat girtin û dem bi dem di navbera xwepêşandêran û hêzên ewlekariyê de alozî rû da.

Li bajarê Sayda jî rê hatin girtin û ji ber êrîşên hêzên ewlekariyê 5 kes birîndar bûn.

Her weha xwepêşandêran li bajarên Trablusşam, Akkar û Bîqa jî ji saetên sibê ve rê girtin û rayedarên dewletê şermezarkirin.

Xwepêşandanên li Libnanê di 17’ê Cotmehê de dest pê kiribûn û di encamê de Serokwezîr Saad Harîrî neçar mabû ku îstîfa bike.