Kongra Star li dijî tecrîdkirina Rêber Ocalan li Şehbayê konê çalakiyê veda

Kongreya Star ya herêma Efrînê li dijî tecrîdkirina Rêber Ocalan li navçeya Ehdasê yê Şehbayê konê çalakiyê veda. Çalakî bi dirûşmeya “Em ê tecrîdê û faşizmê têk bibin, netewa demokratîk misoger bikin” tê lidarxistin.

Çalakî li parka navçeya Ehdas a Şehbayê dest pê kir û tevî nûnerên sazî û dezgehên sivîl yên Rêveberiya Xweser, ji navçeya Ehdas, Fafîn û ji gundên Maratê, Til Qireh, Babînês, Til Şeîrê bi sedan kes tevlî çalakiyê bûn.

Li ser navê Kongreya Star a Efrînê Hesna Hesen axivî û destnîşankir ku dewletên navneteweyî li hember tecrîda girankirî ya li ser Rêber Ocalan bêdeng in.

Hesna Hesen diyar kir ku ew ê ji bo azadiya Rêber Ocalan li ser piyan bin û têkoşîna xwe bidomînin.

Konê çalakiyê wê 3 rojan dewam bike.

Kesên ku tevli çalakiyê bûne diyar kirin ku heta tecrîda li ser Rêber Ocalan hebe ew ê di nava çalakiyan de bin.

Leave a Reply

Back to top button
Close
Close