Dewleta Tirk ev 6 sal e avê wek çekekê li dijî gel bi kar tîne.
Her wiha ji dema dagirkirina bajarê Serêkaniyê ava bîrên Elokê jî qut kiriye, lewma zêdetirî milyonek û nîv mirov bê av mane.
Şênî jî bang li desthilata Şamê û civaka navnetewî dikin ku ji bo rawestandina binpêkrinên dewleta Tirk têkevin nava tevgerê.
Dewleta Tirk ev 6 sal e avê wek çekekê li dijî gel bi kar tîne.
Ji dema ku dewleta Tirk a dagirker û çeteyên wê di sala 2019’an bajarê Serêkaniyê dagir kir, ava bîrên Elokê jî qut kir.
Şêniyên bajarên Hesekê û Til Temirê yên kantona Cizîrê, ji ber peydakirina ava vexwarinê êş û azaran dikişînin.
Bi hatina demsala havînê û zêdebûna germahiyê re, ji ber kêmbûna ava vexwarnê, êş û azarên şêniyan girantir dibin.
Şênî neçar in ava bîrên şor bikar bînin, ew jî bi kêrî vexarinê nayê, lewma şênî neçar in ku ava vexwarinê ji Sarîcan bi buhayên giran bikirin.
”Pêwîste desthilata Şamê erkên xwe derbarê vê rewşa xerab pêk bîne”
Şêniyê ji Til Temirê Asim Hemê anî ziman ku ev nêzî 6 sal e li herêmên ji Til Temirê heta Şedadê, ax zuha bûye û bûye çol û got:
Sedema vê yekê jî ew e ku dewleta Tirk piştî dagirkirina Serêkaniyê ava bîrên Elok qut kiriye.
Desthilata Şamê divê erkên xwe derbarê vê rewşa xerab de pêk bîne.
Şêniyê bi navê Xidir Hac Eyûb ê ji Til Temirê jî dibêje:
Ev 6 sal e em neçar mane ku xwe bispêrin ava bîrên şor, ku nayê vexwarin.
”Divê Civaka Navnetewî têkeve nava tevgerê”
Rêvebera Dayireya Avê ya Şaredariya Gel a Til Temirê Hemdiye Kûtî wiha anî ziman:
“Hemû şênî dizanin ku ava bin erdê ya Til Temirê nayê vexwarinê, ji ber vê yekê em avê ji Til Erebûşê dikişînin. Lê ji ber derfetên kêm û hewcedariya zêde di demsala havînê de, em nikarin pêdiviyên her kesî peyda bikin.”
Her wiha got: “Em bang li civaka navneteweyî û rêxistinên mafên mirovan dikin ku bêdengiya nemînin û ji bo rawestandina binpêkirinên dewleta Tirk a dagirker û qutkirina ava vexwarinê bi lez têkevin nava tevgerê.”
Hêjayî gotinê ye ku, dewleta Tirk a dagirker û çeteyên wê di nava 4 salên dawî de tevî destwerdana rêxistinên navneteweyî yên wekî UNICEF jî, zêdetirî 28 caran ava bîrên Elokê li bajarên Til Temir û Hesekê qut kirine.
Ji Hezîrana 2023’an ve bi tevahî qut bûye.
