Rêber Apo ji bilî rapora berfireha ya ji 7 sernavan pêk tê, nirxandineke cuda ji 4 xalan jî pêşkêşî Kongreya 12. ya PKK’ê kir.
Qala sedemên fesixkirina PKK’ê û pêk anîna Aştî û Civaka Demokratîk, naskirina mafê siyaseta demokratîk û misogeriya hiqûqî dike.
Rêber Apo nirxandineke ku ji 4 xalan pêk tê pêşkêşî Kongreya 12’emîn a PKK’ê kir û di rojnameya Serxwebûnê de hate weşandin.
Rêber Apo diyar dike di dawiya 52 sal, mehek û hefteyekê ya dîroka têkoşînê de bi rengekî fermî serdemeke dîrokî li pey xwe dihêlin û dibêje,
” Bi wateyeke hê berbiçav em dixwazin ji sosyalîzma bi armanca netewe dewletê derbasî serdemeke dîrokî ya ji sosyalîzma civaka demokratîk bibin. Weke ku dawî û destpêka her tiştî heye.”
Rêber Apo destnîşan dike serdemek, ji ber çar sedemên bingehîn divê bê bihurandin wiha bi rêz dike;
“PKK’ê ji aliyê cewherî ve temenê xwe tije kiriye, divê bi fermî fesix bibe”
1- PKK ji ber ku ji aliyê cewherî ve temenê xwe tijî kiriye, divê bi fermî fesix bibe.
Mebest ji vê yekê belavbûna reel sosyalîzmê ji ber sedema navxweyî, pêwîstiya bi vekirina rêyeke nû ya sosyalîzmê, rewşa naskirin û pêkhatina nasnameya Kurd e.
“Ji bo naskirina siyaseta demokratîk û misogeriya hiqûqî divê têkoşîna çekdarî bi dawî bibe”
2- Têkoşîna çekdarî xwe dispêre stratejiyeke bi armanca netewe-dewletê.
Ji bo daketina ji vê armancê û derbasbûna li nava bernameya civaka demokratîk divê xwe bispêre hiqûq û siyaseta demokratîk.
Lewma pêwîstî pê heye ku dest ji têkoşîna çekdarî bê berdan.
Berdêl û bersiva vê jî naskirina mafê siyaseta demokratîk û misogeriya hiqûqî ya yekbûyî ya bi hêz e.
“Di bin fermîyeta PKK’ê de hevdîtinên bi dewletê re nayên qebûlkirin”
3- Ji ber ku hevdîtin û diyaloga bi dewletê re di bin fermiyeta PKK’ê de nayê qebûlkirin, pêwîstî bi fesixkirinê heye ku weke hêmaneke girîng bûye rojev. Ev yek weke encameke raya giştî dikare bê dîtin.
“Ji bo serdemeke nû qonaxa “Aştî û Civaka Demokratîk” pêwîst e”
4- Ji bo serdemeke nû, derbasbûna li nava qonaxa ‘Aştî û Civaka Demokratîk’ pêwîstî ye.
Hem ji aliyê naverokê ve hem jî ji aliyê formê ve weke alternatîfa serdema destpêkê, ez di wê baweriyê de me ku biryarên kongreyê yên li ser bidawîkirinê, civaka demokratîk, siyaset û hiqûqa wê, wê dîrokî be û serketinê jê re dixwazim.
