Artêşa Îsraîlê êrişî mal, avahî û konên filîstiniyan kir.
Di encama êrişê de 4 rojnamevan û 12 filîstinî hatin kuştin.
Li aliyê din artêşa Îsraîlê ragihand ku wan cenazeyên du dîlên Îsraîlî li Şerîda Xezayê dîtine.
Îsraîl êrîşên xwe yên li ser mal, avahî û konên Filistîniyên koçber li deverên cuda yên Şerîda Xezayê didomîne.
Di êrîşên dawî yên artêşa Îsraîlê li ser Şerîda Xezayê de 12 Filistînî, di nav wan de zarok jî hebûn, jiyana xwe ji dest dan.
Di êrîşeke li ser hewşa Nexweşxaneya El-Ehlî Baptist a li Xezayê de 4 rojnamevan jî hatin kuştin.
Li gorî agahiyên ji çavkaniyên nexweşxaneyê hatine wergirtin, di êrîşeke hewayî ya ku Îsraîlê li ser maleke li rojavayê bajarê Deyr el-Belah li navenda Xezayê pêk anî de keçek hat kuştin û yên din jî birîndar bûn.
Şahidên bûyerê ragihandin ku yekîneyên topavêj yên Îsraîlê bajarokê Magrakayê, li bakurê Kampa Penaberan a Nuseyratê, topbaran kirin.
Dema ku artêşa Îsraîlê li konekî ku koçber lê diman, li nêzîkî herêma Asda li bakurê Xan Yûnisê, 6 kes hatin kuştin.
Di êrîşeke bi droneyan li ser konekî ku koçber lê diman, 2 kes hatin kuştin.
Şahidên bûyerê ragihandin ku artêşa Îsraîlê avahiyên Filistîniyan li bajarokê Karara, li bakurê rojhilatê Xan Yûnisê, teqandin.
Her wiha, êrîşên topavêjên giran li ser deverên Batn el-Samin, Kizan el-Necar, el-Belad, Satr el-Xerbî, Ketibe û Kolana 5’emîn a Xan Yûnisê û derdora wan hatin kirin.
Di êrîşeke Îsraîlê ya li ser malekî li başûrê bajarê Xezayê de 3 kes, ku du ji wan zarok bûn, hatin kuştin.
4 Rojnamevanên din di êrîşên artêşa Îsraîlê de li Xezayê hatin kuştin
Artêşa Îsraîlê, ku êrîşên tund li ser Xezayê dike, deverên sivîl ên wekî nexweşxane, dibistan û konên Filistîniyên koçber jî hedef digire.
Filistîniyên li Xezayê dibêjin ku artêşa Îsraîlê “bi zanebûn rojnamevan hedef girt da ku rastî neyê eşkerekirin.”
Ji 7’ê Cotmeha 2023’yan vir ve di êrîşên Îsraîlê yên li ser Xezeyê de herî kêm 54 hezar û 607 Filistînî hatine kuştin û 125 hezar û 341 kes jî birîndar bûne.
Artêşa Îsraîlê li şerîda Xezayê cenazeyên 2 Dîlên Îsraîlî dîtin
https://t24.com.tr/haber/israil-ordusu-gazze-seridi-nde-2-israilli-rehinenin-cesedine-ulastigini-acikladi,1243268
Li aliyê din artêşa Îsraîlê ragihand ku wan cenazeyên du dîlên Îsraîlî li Şerîda Xezayê dîtine.
Hat ragihandin ku piştî tespîtkirina nasnameya ku ji hêla Enstîtuya Neteweyî ya Tiba Edlî ya Îsraîlê, artêş û polîsan ve hatiye kirin, malbatên dîlan hatine agahdarkirin.
Televîzyona dewletê ya Îsraîlê KAN parve kir ku bi dîtina cenazeyên dîlan re, 56 dîlên Îsraîlî li Şerîda Xezayê mane, ku 20 ji wan sax in.
