Beşdariyek li Konseya Ewlekariyê ya Neteweyên Yekbûyî ku daxwaza agirbestê li Xezayê dikir, tevî 14 dengên erê, ji aliyê Amerîkayê ve hat vetokirin ango redkirin.
Amerîka li hember “şermezarnekirina Hamasê” di biryarnameyê de bertek nîşan da.
Li Konseya Ewlehiyê ya Neteweyên Yekbûyî ji bo agirbesta li Xezayê dengdan pêk hat.
Di dengdanekê de, Amerîkayê li ser pêşnûme-qanûnek ku banga agirbestek tavilê li Xezeyê dikir,veto kir.
Pêşnûme-qanûn ji aliyê 10 endamên ne-daîmî yên Konseya Ewlehiyê ya Neteweyên Yekbûyî ve hat pêşkêşkirin, di nav de Yewnanistan û Slovenya jî hebûn.
Ji bilî DYA’yê, 14 endamên daîmî yên Konseya Ewlehiyê ya Neteweyên Yekbûyî, di nav de Çîn, Rûsya, Fransa û Îngilîstan, piştgirî dan pêşnûme-qanûnê.
Di pêşnûmeyê de banga agirbestek tavilê li Xezayê, berdana hemû dîlên Îsraîlî û rakirina hemû sînorkirinên alîkariya mirovî ji bo 2.1 milyon Filistîniyan hebûn.
Berpirsa demkî ya Mîsyona Daîmî ya DYA’yê li Neteweyên Yekbûyî Dorothy Shea , ji ber “şermezarnekirina Hamasê” di pêşnûmeqanûnê de wekî sedema vetoyê nîşan da.
Sedema vetoya DYA ji ber di pêşnûmeyê de Hemas nehatiye şermezarkirin
Dorothy Shea got:
“Em ê ti biryarnameyekê qebûl nekin ku Hamasê şermezar neke û bang li wan neke ku çekên xwe deynin û ji Xezayê derkevin.”
Shea dibêje “bikêrhatîbûn, fînanse û karanîna çavkaniyan a Neteweyên Yekbûyî cihê nîqaşê ye” û got, “Divê Konsey bi vî rengî neyê bikar anîn.”
Amerîka her wiha îdia kir ku qebûlkirina biryarnameyê dê Hamasê xurt bike û rê li ber êrîşên nû yên mîna 7’ê Cotmehê veke.
DYA: Pejirandina biryaname wê Hemasê xurt bike
Wezîrê Derve yê Amerîkayê Marco Rubio di parvekirinek li ser hesabê xwe yê X’ê de got ku pêşnûme “dê xizmeta berjewendiyên Hamasê bike.”
Rubio destnîşan kir ku biryarnameyek “divê bê guman şermezarkirina Hamasê û daxwaza derketina wê ji Xezayê di nav xwe de bigire.”
Gelek welatan bertek nîşanî vetoya DYA da
Balyozê Fransayê li Neteweyên Yekbûyî Jerome Bonnafont bertek nîşanî vetoya Amerîkayê da û got:
“Tevî ku piraniya me li hev dikin jî, Konseyê ji girtina berpirsiyariyê hatiye astengkirin.”
Balyozê Çînê Fu Cong got:
“Encamên dengdana îro careke din nîşan dan ku sedema sereke ya têkçûna bidawîkirina pevçûnê li Xezayê astengkirina dubare ya ji hêla Amerîkayê ve ye.”
Balyoza Brîtanyayê li Neteweyên Yekbûyî Barbara Woodward rexne li berfirehkirina operasyonên leşkerî yên Îsraîlê li Xezzeyê kir.
Barbara Woodward got ku êrîş “ne ravekirî û nehevseng” bûn.
