Rêber Apo di beşa “Perspektîfên ji bo dema nû” de qala girîngiya xebat û têkoşîna dema nû dike.
Rêber Apo dibêje, “Perspektîfa me ya dema nû; Netewa Demokratîk û li ser bingeha Komînê ji nûve avakirina civakê ye.
Serketina vê pêvajoyê ne tenê ji bo Kurd û Kurdistanê, ji bo tevahî herêmê wê rê li ber destketiyên girîng veke.
Di beşa “Perspektîfên ji bo dema nû” de Rêber Apo qala girîngiya xebat û têkoşîna dema nû dike.
Rêber Apo diyar dike Kurdistana serbixwe û yekbuyî armanca esasî ya PKK’ê bû ku li ser îdeolojiya sosyalîzma pêkhatî û mafê diyarkirina çarenûsa xwe ya netewan hatibû avakirin û wiha dibêje,
“Lê piştî hilweşîna sosyalîzma pêkhatî, me dît ku ti pêywendiya vê yekê bi sosyalîzmê re, bi rizgarkirina netewî re jî tineye.
Berevajî wê, herçendî Netew-Dewlet bi perspektîfa sosyalîzma pêkhatî hatibin avakirin jî, xizmet ji bo kapîtalîzmê kirine.
Sedema lêhûrbûna me ya li ser sosyalîzmê û hewldana demokratîkkirina wê ev rewş bû.”
Rêber Apo: Perspektîfa me ya dema nû li ser bingeha Komunê avakirina civakê ye
Rêber Apo diyar dike Netew-Dewlet ji ber karakterê xwe desthilatdar e û li dijî cewherê sosyalîzmê ye;
“Perspektîfa me ya dema nû; Netewa Demokratîk, Eko-Ekonomî û li ser bingeha Komînalîzmê ji nûve avakirina civakê ye.
Banga me ya herî dawiyê “banga aştî û civaka demokratik” destûra komara Tirk hate kirin.
Ango dikarî tenê aştiyê bi wê dewletê re bikî ku tu li dijî wê têdikoşî. Civaka demokratik di nava diyaloga li gel vê dewletê de dikare were avakirin.
Navê vê dibe “lihevkirina demokratik”.
Rêber Apo: Civaka demokratîk bernameya siyasî ya vê qonaxê ye
Rêber Apo destnîşan dike ku dibe armanca aliyan ji hev cuda be, lê banga hatiye kirin di cih de ye;
“Ji bo min kongre ji mêj ve xilas bûye. Lê hêza me ya kadro jî dê vê mijarê bigre rojeva xwe û fermî bike.
Civaka demokratîk bernameya siyasî ya vê qonaxê ye. Avakirina dewletê ji xwe re nake armanc.
Siyaseta civaka demokratîk jî siyaseta demokratîk e. Komîn bi xwe jî demokratîk e. Cudakirina van ji hevdu nabe, ne raste. Civaka Komîn civaka demokratîk e.
Mijara komînê gelek bala min dikişîne. Jiyana azad a gelan bi komînan pêkan e. Netew-Dewlet çawa çeka kapîtalîzmê be, çeka gelan jî komîn e.
Bi rêya şaredariyan jî ev civaka komînal dikare were tevgerkirin.”
Rêber Apo dawiyê diyar dike ew girîng dibîne ku vê pêvajoyê bi Komara Tirkiyê re bibe serî û dibêje,
Rêber Apo: Hêvî û baweriya min ya bi serketinê mezin e
“Ji niha û pêde jî kar û xebateke ji dil divê. Hêvî û baweriya min a bi serkeftinê mezin e.
Serketina vê pêvajoyê ne tenê ji bo Kurd û Kurdistanê, ji bo tevahî herêmê wê rê li ber destketiyên girîng veke.
Ji bo komara Tirkiyê jî şansê xwe nûkirinê, xwe bi demokrasiyê tacîdarkirinê û pêşengiya herêmê wê peyda bibe.
Dikarim bêjim dijberên vê pêvajoyê bê qîmet in û ti nirxekê îfade nakin, wê têk biçin. Lê derbaskirina vê dijberiyê jî, berpirsyariyê dide ser milê aliyan.”
