Heta niha Tirkiyê bersiva daxwazên başkirina şert û mercên fîzîkî yên Rêber Apo nedaye.
Dadgeha Mafên Mirovan a Ewropayê ji bo sererastkirinên qanûnî yên mafê hêviyê têkildarî Tirkiyê dest bi pêvajoya kontrolkirinê kir.
Her wiha dema ku Komîteya Wezîran a Konseya Ewropayê têkildarî ‘mafê hêviyê’ ji bo Rêber Apo daye Tirkiyê, piştî 3 mehan di Îlona 2025’an de diqede.
Piştî ku PKK’ê biryara fesixkirinê ragihand, bal çû ser dewleta Tirk ku gavên qanûnî biavêje.
Paketa darazê ya 10’emîn ku beriya Cejna Qurbanê hate amadekirin, bersiv neda bendewariyan.
Lewma hate ragihandin ku wê mijar ji meha Îlonê re bê hiştin.
Di hevdîtinên têkildarî paketê de di serî de DEM Partî, pêşniyarên muxalefetê li ber çavan nehatin girtin.
Hîn jî bersiv ji daxwazên têkildarî sererastkirina şert û mercên fîzîkî yên Rêber Apo re nehatiye dayîn.
Ji bilî hevdîtina malbatê ya Cejna Qurbanê, nayê zanîn ku ji bo rêveçûna pêvajoyê karek tê kirin, hevdîtineke nû hatiye kirin an na.
Di vê çarçoveyê de Komîteya Wezîran a Konseya Ewropayê (KWKE) biryara ‘mafê hêviyê’ ya ji bo Rêber Apo ku zêdeyî 25 sal in li Îmraliyê girtî ye, di 17-18’ê Îlona 2024’an xistibû rojevê.
Her wiha ji bo Tirkiyê gavê biavêje salek dem dabû, ev dem jî di Îlona 2025’an de yanî piştî 3 mehan diqede.
Bahçelî beriya 7 mehan ‘Mafê Hêviyê’ xist rojevê lê ti gav neavêtiye
Piştî ku Serokê Giştî yê MHP’ê Devlet Bahçelî 22’ê Cotmeha 2024’an di Civîna Koma Meclîsê ya partiya xwe de behsa mafê hêviyê kir, kete rojeva siyaseta Tirkiyê.
Bahçelî di axaftina xwe de got:
Di ser van gotinan re 7 meh derbas bûn, lê belê hîn jî gaveke fermî nehatiye avêtin.
Mafê hêviyê ji bo wê yekê ye ku mirovên cezayê girtîgehê yê heta dawiya temenê xwe lê hatiye birîn, derfetê pêşkêş dike ku sûdê ji berdana bi şert werbigirin.
DMME’yê ji bo sererastkirinên qanûnî yên ‘Mafê Hêviyê’ dest bi kontrolkirinê kir
DMME’yê weke ku di doza ‘Vînter û yên din de’ gotibû, cezayê girtîgehê yê heta bi hetayê yê girankirî ku li Rêber Apo hate birîn binpêkirina xala 3’emîn a Peymana Mafên Mirovan a Ewropayê ye.
DMME’yê destnîşan kiribû ku sererastkirinên qanûnî yên di çarçoveya vê biryarê de divê bêne kirin.
Ev biryar bi taybetî di çarçoveya mafê hêviyê de biryara destpêkê bû ku li hemberî Tirkiyê hate dayîn.
Li gel ku di ser 2 biryarên têkildarî Rêber Apo re 10 sal derbas bûne, ji aliyê Tirkiyeyê ve ji bo rakirina binpêkirinên navborî sererastkirinek nehate kirin.
