Koçberên Efrîn û Şehbayê yên ku li Tebqayê dimînin, di rewşên mirovî yên zehemt û dijwar re derbas dibin.
Ev zehmetî bi zêdebûna pileyên germahiyê re hîn mezintir dibin.
Lê tevî wê jî, koçberan dev ji berxwedana di bin konan de berneda û îsrara wan ya vegera Efrînê berdewan e.
Koçberan hevpeymana di navbera Hêzên Sûriya Demokratîk û desthilata Şamê bi bîr xistin û diyar kirin ku tevî vê peymanê hîn jî binpêkirin li Efrînê berdewam e.
Ev 7 salin şêniyên Efrîn û Şehbayê ji ber êrişên dewleta Tirk neçarî koçberiyê bûne.
Ev koçber di germa havîn û cemeda zivistanî de di bin kona de bi zehmetî jiyan dikin.
koçberên kantona Efrîn û Şehbayê yên ku di kampên Tebqayê jî dimînin di rewşên zehmet û dijwar re derbas dibin.
Tevî van êş û zehmetiyan lê berxwedana di dilê koçberan de venemiriye.
Têkildarî mijarê koçberan li ser zehmetiyên ku bi wan re derbas dibe axivîn.
Yasmîn El Elî: Rewşa mirovî ya koçberan pir zehmet e
Di destpêkê de koçbera ji Efrîna dagirkirî Yasmîn El Elî diyar kir ku rewşa wan pir zehmete û got:
“Rewşa mirovî ya koçberan pir zehmet e.
Kon wan ne ji germa havînî û ne jî ji serma zivistanê diparêzin.
Rewşên nexweşiyê hem di nav zarokan hem jî di nav temenmezinan de zêde dibin.”
Yasmîn El Elî bang li hêzên navneteweyî kir ku li hemberî koçberan xwedî li erkên xwe derkevin.
Mustefa El Mûsa: Binpêkirin li Efrîn tevî peyama QSD’ê û desthilata Şamê berdewam in
Her wiha koçberê bi navê Mustefa El Mûsa ragihand ku tevî peymana di navbera QSD’ê û desthilata Şamê hîn jî binpêkirin û sûc li ser şêniyên Efrînê çê dibe.
Mustefa El Mûsa destnîşan kir ku heta binpêkirin berdewam bikin û bêyî garantiyên navneteweyî û misogerkirina ewlehiya şêniyan ew nikarin vegerin Efrîn û Şehba yê.
Nêrî Toran: Tevî êşan îsrara me ya vegera li Efrînê wekî xwe ye
koçberê bi navê Nêrî Toran li ser rewşa mirovî ya kampê wiha pê de çû:
“Li kampê tenê xaleke bijîşkiyê heye, rojane zêdetirî 30 rewşên nexweşiyê yên zarokan werdigire.
Piraniya wan rewşên navçûyînê, tayên ji ber germahiyê û pêdadana dûpişkan in.
Ji ber ava ne paqij jî leşmaniya û nexweşiyên çêrm jî derdikeve.”
Lê dîsa jî îsrara me ya vegera ewle û misogerkirina ewlehiya li Efrînê hîn wekî xwe ye.
An warekî ewle û birûmet an jî konên rûmet û serfiraziyê.”
Hevseroka Rêveberiya kampê Rozelîn Ehmed: Me tedbîr ji bo havînê girtine
Herî dawî Hevseroka rêveberiya kampê ya bajarê werzîşê yê Tebqayê Rozelîn Ehmed got:
“Ji bo havînê me tedbîr girtine.
Ji wan tedbîran perwane hatin peydakirin û saetên pêxistina kehrebeyê li kampê hatin zêdekirin, lê ev ne bes e.
Kon êdî dirizin û pêwistî bi guhartina wan heye.
Pêdivî bi reşandina dermanên dûpişk û maran û avakirina kanalîzasyonan heye.
Ji ber ku ava nepaqij dibe sedema belavbûna nexweşiyan.”
