Partiya Jiyana Azad a Kurdistanê (PJAK) li ser bûyerên ku li Îranê diqewimê daxuyaniyek weşand.
Hevseroka PJAK’ê Peyman Viyan destnîşan kir ku gelên Îranê bi ruhê ‘Jin, Jiyan, Azadî’ dikarin sîstemeke civakî ya alternatîf ava bikin
Her wiha Peyman Viyan got: “Çi dibin bila bibe em ê ji bo gelê xwe û mafên xwe têbikoşin.”
Di 13’ê Hezîranê de Îsraîlê dest bi êrişî hedefên leşkerî û nukleerî yên li Tehran, Kirmaşan , Tebrîz , Kûm , Loristan û Hemedanê yên Îranê.
Piştî vê êrişê metirsiya şerekî mezin li Rojilata Navîn rû da.
Di encama êrîşan de fermandarên payebilind ên Îranî û zanyar hatin kuştin.
Vê yekê hevsengiya navxweyî ya rejîma Îranê jî hejand.
Piştî van bûyeran Partiya Jiyana Azad a Kurdistanê (PJAK) daxuyaniyeke balkêş da.
Hevseroka PJAK’ê Peyman Viyan ji rojnameya Yenî Ozgur Polîtîkayê re axivî.
Di destpêkê de Peyman Viyan ragihand ku hilweşîna rejîma Îranê wê kaoseke mezin bîne herêmê û cîhanê û got:
“Bûyerên ku li Iraq, Lîbya û Sûriyê qewimîn li Îranê jî bi şêweyekî cuda pêk tên.
Ev mijar bi rejîma Îranê ve jî girêdayî ye.
Eger rejîm hîn bêhtir li ber xwe bide wê êrîş jî giran bibin. ”
Peyman Viyan: Kurd li Îranê daxwaza mafên xwe dikin
Her wiha Peyman Viyan destnîşan kir ku gelê Kurd li Îranê beşê herî rêxistinbûyî û baldar e û wiha pê de çû:
“Kurd li Îranê daxwaza mafên xwe yên bingehîn dikin.
Berevajî îdîayên rejîmê ‘cihêkar’ nînin.
Niha gelê herî baldar û rêxistinbûyî yê li Îranê Kurd e.
Hin hêzan hewl dan berxwedana ‘Jin, Jiyan, Azadî’ li gorî berjewendiyên xwe bi kar bînin.
Lê belê em di vê pêvajoyê de gelekî bi baldarî tevgeriyan û me sekna xwe ya zelal nîşan dan.
Vê yekê jî nîşan da ku Kurd çawa veguherîn hêza bingehîn a guherîna siyasî û civakî.
Peyman Viyan: Em ê ji bo gelê xwe û mafên xwe têbikoşin.
Rêber Apo zêdeyî 20 sal berê gotibû ‘Kurd ê azad, nasnameya nû ya Rojhilata Navîn e'”.
Di dawiyê de Hevseroka PJAK’ê Peyman Viyan ev tişt anîn ziman:
“Divê rejîm baş zanibe ku Kurd mafên xwe yên bingehîn dixwazin.
Şert û merc çi dibin bila bibin em ê ji bo mafên xwe têbikoşin.
Kurd alîgirê rêveberiyeke hevpar in ku formulasyonê nîqaş bikin, ne alîgirê şer e.
Di heman demê de parastina xwe dike, xwedî hêza siyasî û rêxistinî ye.
Em ê dest ji Kurdîtiya xwe û mafên xwe bernedin.
Weke ku Rêber Apo got: ‘Kurdîtî êdî heqîqeteke misogerkirî ye’.
Em li ser şopa heqîqetê ne, Kurdîtiya me heqîqeta me ye.”
