Kêmbûna ava Çemê Firatê bandoreke mezin li xelkê Tebqayê kiriye.
Ji ber kêmbûna avê stasyona pompekirina ava vexwarinê hate rawestandin:
Lewma rewş ber bi karesateke mirovî ve diçe û dê bandorê li jiyana xelkê bike.
Asta ava Çemê Firatê bi awayekî dijwar kêm dibe, ji ber ku dewleta Tirk a dagirker rê li ber herikîna ava çem ber bi axa Sûriyê û Iraqê ve girtiye.
Desteya Enerjiyê ya Bakur û Rojhilatê Sûriyê piştî ku asta ava Bendava Firatê daket 6 metreyan, hişyarî da ku krîza avê ya li Çemê Firatê dê girantir bibe.
Kampa Tiwêhîna tevî ku li ser qeraxên Çemê Firatê ye, derdê tîbûnê dikişîne.
Di derbarê mijar de koçberên li kampê dijîn li ser rewş û zehmetiya axivîn.
Ehmed El Casim diyar kir ku av bi rojan tê qutkirin, û dema ku av tê jî, qirêj e û bi kêrî vexwarinê nayê û wiha got:
“Em neçar in ku avê bikirin, bihayê tankerek av a 5 bermîl 25 hezar lîre ye.
Yên ku pereyên wan tune ne, ava qirêj ji golê tînin. ”
Koçberên kapma Tiwêhîna hin rêbazên cuda ji bo vexwarina av ê bi kar tînin
Reslan El Ehmed jî destîşan kir ku ew ji bo vexwarinê şûşeyên avê dikirin û dema ku av bi qirêj tê ew hin rêbaza ji bi paqijkirina wê çêdikin û wiha pêde çû:
“Em av ê dikelînin, klorê tevlê dikin û didin ber tavê, bi hêviya ku bi kêrî vexwarinê bê.
Lê belê, em êşa nexweşiya gurçikan dikişînin. ”
Li kapma Tiwêhîna gelek kes ji ber nepaqijbûna av nexweş ketin
Matar El Xalid da zanîn ku ji ber ku kêzik û kurmik di nav avê de hene nexweş ketin û birin nexweşxaneyê û wiha axivî:
“Ava ku em ji çem tînin bêhnek ne xweş jê tê.
Em wê bi qumaşan parzûn dikin û dikelînin, lê em êdî nikarin tehemûl bikin.”
“Ev nêzî 45’ê salin rewşeke wiha nebûye”
Piştî ku stastyona El Tinêra ji xizmetê derket, av li ser bajarokê El Curniyê û 114 gundên girêdayî wê jî qut bû.
Navenda Avê ya El Curniyê hewl dide ku çareseriyên awarte pêk bîne da ku avê ji ji bo şêniyan peyda bike.
Hevserokê Navenda Avê ya El Curniyê Ehmed Cemal da zanîn ku ji salên 1980`an ve, ji dema ku bendava Firatê hatiye avakirin, rewşeke wiha nebûye.
Cemal destnîşan kir ku du bîrên li stasyona avê ya El Tenêra ji xizmetê derketine û ev yek bûye sedema rawestandina pompekirina avê bo stasyona avê ya El Curniyê.
“Çareseriya bingehîn ew e ku Tirkiyê avê berde”
Ehmed Cemal bang li rêxistinên mirovî kir ku pompeyên mezintir ji wan re peyda bikin û wiha got:
“Çareseriya bingehîn ew e ku Tirkiyê avê berde, eger nebe rewş ber bi karesetê ve diçe.”
Daketina asta ava Çemê Firatê ne tenê bandorê li Tebqayê dike, lê dê bandora bigihêje Reqa, Dêrazorê, Heleb dike.
Hevserokê Yekîtiya Şaredariyên Tebqayê Elî El Taha, da zanîn ku piraniya pompeyên ava vexwarinê ji xizmetê derketine yên mayî jî di nav çend rojan de dê xizmetê derkevin.
Hwe wiha El Taha destnîşan kir ku kêmbûna asta avê bûye sedema kombûna bakteriyan û paqijiya avê û wiha bi dawî kir:
“Wê ev kêmbûna asta Avê dê bandora li xebitandina torbînên bendavê bike û elektrîk dê li ser hemû stastyonên avê qut bibe.
